觀塘工廈區聚集了Party Room、樓上小店和特色餐廳，每次到此覓食總會有驚喜。今次先帶大家到一間主打泰西fusion菜的餐廳，置身恍如泰國度假小島品嘗新派泰菜，再到一間西日混合菜的餐廳歎原隻德國鹹豬手，喜歡日式丼飯的你，還可試試慢煮做法的牛腹扒丼。
1.$138鹹蛋黃酥炸海蝦 配泰式炒金邊粉【Add Some Thai Restaurant】
甫踏入餐廳便感到像去了泰國，裝潢充滿泰式度假風情，佔地2,000多呎，舒服得似做spa的地方。負責人Yoyo說，希望在附近上班的打工仔來到可以放鬆食飯。
餐廳開業約年半，當時感到觀塘區餐飲需求大，而且較少泰國、東南亞菜，所以便在這區開一間主打泰西fusion菜的餐廳。選址工廈，自然較難經營，但他們沒有大賣賣告，「我哋落廣告最多得樓下個燈箱，無其他啦。我哋都係以客為先，做得好，客人就自然回頭，又吸引到更多人。」
餐廳最特色是在西餐中加入泰式元素，也是店名「Add Some Thai」的由來。如西班牙風乾火腿伴肉碎生菜包，便是在常見的泰式生菜包加入西班牙火腿，十分有創意。
Add Some Thai Restaurant
地址：觀塘開源道62號駱駝漆大廈一座9樓D室
電話：2774 1008
營業時間：星期一至日12nn-10:30pm
2.$128脆焗德國鹹豬手 配蜜糖黑椒燒汁【Bella Shine】
這間主打西、日混合菜的小店坐落觀塘超過4年，由3名酒店廚師出身的80後經營，大家同感酒店工時長和允許菜式變化的空間不多，因而自立門戶，店主之一文迪說︰「自己開店想出咩新菜就出咩菜，但酒店唔同，佢限死咗出今季賣咩菜式就唔會變，要好似我哋咁每個禮拜轉menu根本無可能。」
自己開餐廳有話事權之餘，更可以令推出的菜式更「貼地」，「喺決定推一款菜出嚟賣之前，我哋會叫餐廳所有員工試食，因為佢哋就係代表普羅大眾嘅口味，如果淨係得煮嗰個覺得好食，咁就係自high。」文迪說。
「最初開業嗰時無咩生意，我心諗我啲菜式已經做到最好，但點解連續幾個月每日先得幾枱客，嗰時心情灰到幾乎要輕生。神奇嘅係，捱過咗呢段時間後，啲客會因為其他人嘅口碑而幫襯我哋。」餐廳的生存之道要以客人為先之外，店主更深信要靠顧客的口碑。
Bella Shine
地址：觀塘巧明街114號迅達工業大廈2樓B室
電話：2345 8455/2345 8488
營業時間：星期一至日12pm-3pm、6pm-11pm
3.$108 慢煮火炙牛腹扒丼【慢煮屋】
小店由Felix開設，西廚出身的他曾在中環意菜名店工作；今次他將日式丼飯跟西餐的慢煮結合，做親民抵食的大碗飯。
全店只賣豬、牛、雞、魚4款丼飯，最吸引非即叫即慢煮的牛丼莫屬，牛肉多到蓋滿飯面。選用新西蘭牛腹扒製，每件牛肉淨重100-120g。他不想賣得貴，於是選用有西冷般濃郁肉味、但價格相宜的牛腹扒，經慢煮後也能做出口感腍滑的牛扒，性價比相當高。
慢煮屋
地址：觀塘開源道60號駱駝漆大廈3期11樓G室
電話：5488 8867
營業時間：星期一11:30am-4pm，星期二至六11:30am-4pm、6pm-10pm，星期日及公眾假期休息
撰文︰王寶欣、陳麗娜
攝影（部分）︰林良明
插畫︰何樂
編輯︰余運慶
美術︰招潤洪