胡鴻鈞拍劇跌傷頭 吳若希︰佢仲認得我

胡鴻鈞（Hubert）上周拍攝新劇《降魔的2.0》的吊威也場口時，不慎從高處墮下撞傷頭部，要留院治療，他前晚在社交網Po留醫相向大家報平安。而胡鴻鈞好友吳若希前晚表示有到醫院探望對方，更笑稱對方沒大礙，仍然認得她。

目前仍然留醫的胡鴻鈞，前晚在IG上載近照報平安，相中的他躺在病床上微笑，精神尚算不錯。Hubert留言說：「多謝大家和傳媒朋友的關心，抱歉未能一一回覆你們的來電和信息，拍劇時發生了意外，感恩這星期康復進度良好，現階段先要繼續好好休息，希望能盡快回到工作崗位，為受到影響的所有工作單位說聲不好意思，再次謝謝各位的關心和慰問。」胡定欣、姚子羚及劉佩玥等藝員紛紛留言慰問。

Hubert好友吳若希前晚演出《公益金萬眾同心50年》慈善節目時，表示已與唱片公司老闆何哲圖到醫院探望Hubert。吳若希說：「佢（Hubert）係清醒嘅，跌親後尾枕，佢塊面好乾淨無破相。（Hubert認得你？）佢知我係邊個，等佢過幾日檢查完再去探佢，佢好似要休息一個月。」

承諾全程照顧

吳若希透露下月將與Hubert到美國開騷，她說：「我到時會全程負責照顧佢。」會否擔心屆時Hubert未完全康復，要她獨自開騷？她說：「佢一定會好番，我從來都唔擔心，因為佢答應咗我嘅嘢，好少會甩底。」另外，吳若希日前剛度過27歲生日，她笑言最開心是從女兒手上，接過老公安排的大束鮮花：「我老公都好sweet，佢知我唔太鍾意慶祝生日，但佢都有啲表示。」

撰文︰Pauline

編輯：李潔盈

美術：梁政敏