郭子豪唔認戀上港姐鄧卓殷

早前涉醉駕的郭子豪，被指與應屆港姐亞軍鄧卓殷拍拖，郭子豪更疑被舊愛Karen指講大話。郭子豪與鄧卓殷前晚在《公益金》節目同場演出，提到被舊愛暗寸，郭子豪說：「其實我哋年初分咗手，大家關係好似一家人。（會否令舊愛誤會？）絕對無，佢同我講已有追求者，大家有打氣嘅擁抱，再見亦是朋友，唔好抹黑佢。」

問他維護舊愛，會否擔心新歡鄧卓殷尷尬？他即否認與鄧卓殷拍拖：「佢（鄧卓殷）唔係新歡，只係扶持我嘅教友！我呢半年發生太多事，屋企、私生活等，喺種種壓力下，好幸運識到佢，佢帶領我去搵神幫助，好感恩！」