77歲粵語片傳奇巨星呂奇蒲頭 失蹤多時 毅然退出娛圈揸的士？

提起「呂奇」呢個名，後生一輩可能只係聽過名字，或者只會聯想到梁家輝同羅家良模仿過嘅粵語片年代明星，仲有同陳寶珠嘅經典情侶檔演岀。其實呂奇早已退岀娛樂圈30多年，移居到台灣後生活亦非常低調，很久無喺大眾前亮相，好少人知佢嘅近況同樣貌。但近日資深傳媒人汪曼玲到台灣探朋友，其中居然包括現年77歲的呂奇！佢分享二人嘅合照到社交網絡，只見呂奇著住件鮮黃色外套，樣子非常精神有型！

{{hket:inline-image name="61601349_2250804635005898_3633301526484615168_n.jpg"}}{{/hket:inline-image}}

（汪曼玲Facebook圖片）

汪曼玲更寫道：「這次台北行，收穫很豐富，食好住好，還趁機見到幾個娛樂圈老友。大家估下今天，我又約了哪一位，認不認得他？他就是呂奇。我們暢談了一個下午，他告訴我65年第一部拍粵語片《公子多情》的故事。《公子多情》令他一炮而紅，他感激南紅、黃曼梨及邵逸夫爵士的幫忙，令他銘記於心。原名湯覺民的他，改藝名呂奇，他說：『因為我當時的偶像是傅奇』。」見到奇哥神隱多時，終於現真身，唔少網友亦好激動同興奮，紛紛留言：「喜見別來無恙」、「知奇哥一切安好就放心，希望繼續能知他消息就好」、「願他身體健康，生活愉快！」

{{hket:inline-image name="61131514_2250804578339237_4730538827343462400_n.jpg"}}{{/hket:inline-image}}

（汪曼玲Facebook圖片）

{{hket:inline-image name="61214803_2250804745005887_8394965376231800832_n.jpg"}}{{/hket:inline-image}}

（汪曼玲Facebook圖片）

呂奇原名湯覺民，1959年7月加入邵氏粵語片組，第一部主演作品《公子多情》已轟動一時，更憑電影獲得「多情公子」稱號。呂奇從影廿多年間，主演超過六十部電影，佢亦係六十年代最紅的粵語片小生，曾多次獲得「香港十大明星」。佢同陳寶珠係銀幕上嘅最佳拍檔，經常演岀情侶，亦係唔少觀眾心中嘅永恆經典。到咗今時今日，仲有唔少電影作品會扮演「奇哥」同「寶珠」角色，向佢地致敬。其後呂奇同邵氏電影合約到期，佢就自己開電影公司，初時兼任編劇，後來做埋導演。由佢執導的電影約三十部，較著名的有《娘惹之戀》、《偷心賊》。

{{hket:inline-image name="gggf.jpg"}}{{/hket:inline-image}}

（網上圖片）

{{hket:inline-image name="kk.jpg"}}{{/hket:inline-image}}

（呂奇同陳寶珠,網上圖片）

{{hket:inline-image name="zKt2-hmivixn5328661.jpg"}}{{/hket:inline-image}}

（呂奇同陳寶珠,《難兄難弟》劇照, 網上圖片）

呂奇於1987年完成《命帶桃花》作品後，毅然決定退出娛樂圈，同屋企人移居台灣經商。其後佢專心經營股票生意，加上物業收租，生活過得非常舒適寧靜。淡岀娛樂圈之後，呂奇嘅生活好低調，有時畀人認岀，請佢一齊合照，佢都會扮唔知邊個係呂奇，仲會話：「咩叫呂奇？我唔知」，因此多年嚟極少人知道佢嘅近況。更有傳指出呂奇移民台灣後，閒時會揸的士載客，仲有人影到佢開車嘅相添。不過唔理傳言，今次從汪曼玲得知，呂奇一切安好，望落亦健康精神，相信已經令好多粉絲好開心啦！