歐陽波比：「綠葉都可以做一線！」群姐爆紅最大功臣

歐陽震華（Bobby）在中港兩地都是一線的電視小生，由於他每個劇集都有收視保證，故經常被封「收視福將」，最近一次的無綫劇集就是一年多前的《誇世代》，不少觀眾都非常期待再見到Bobby的演出。Bobby雖然沒有新劇出街，但他的名字卻總是常常在處境劇《愛回家之開心速遞》中聽到，早前他更應《晴報》網站邀請拍片為「群姐」許思敏打氣，（相關新聞：http://bit.ly/2GTiIXR）結果近日兩人隔空對談，變成「集氣」成功，Bobby答應客串兩集《愛回家》，令一眾劇迷都非常期待。

訪問片段請Click：

{{hket:youtube id="ajxdzD1hnTY"}}{{/hket:youtube}}

{{hket:inline-image name="0c14895d-9583-4178-960c-6a4013b75da3.jpg"}}{{/hket:inline-image}}

歐陽震華的兩集客串戲份拍攝完畢，接受《晴報》專訪暢談與群姐的合作。(《晴報》圖片)

{{hket:inline-image name="BOB1.jpg"}}{{/hket:inline-image}}

幾個月前，Bobby應《晴報》邀請為群姐拍攝打氣短片，沒想到最終促成今次的合作。(《晴報》圖片)

群姐絕對唔係小演員

一線頂級的電視男主角，為了處境劇一位特約演員的戲份，主動請纓客串演出，Bobby就像民間的超級英雄，令一些小演員圓夢。Bobby接受《晴報》訪問時，他說：「我唔覺得自己係咩英雄，我冇拯救過她，好開心，也有好多人覺得好難得，我會返去拍兩集《愛回家》，主要係因為我爛玩。《愛回家》好多劇情講佢好仰慕我，成日同我紙板做戲，又將我個頭拼落外國退休軍官度，我真係覺得群姐演繹得好好，恰到好處，作為一個清潔女工，實在好有品味，非常之好！有人覺得我演戲咁多年，多數都係同靚女合作......估唔到係我主動要求同群姐對戲，好多人都會好驚訝，大家都覺得我好有心，其實只係便心。」Bobby笑指群姐開工時，常常都感覺像造夢一樣，問到為何會為一位小演員去花時間和花心思客串演出？Bobby說：「群姐絕對唔係小演員，佢從影30幾年，有一場劇情要我送佢6卡粉鑽戒指畀佢，我問點解道具會安排到？點知原來係群姐私伙，原來佢係闊太嚟呀，可見到佢幾有心、幾咁鍾意做戲，佢肯紆尊降貴去演個清潔阿嬸喎。」

{{hket:inline-image name="images.jpg"}}{{/hket:inline-image}}

群姐在劇中視歐陽波比是偶像，經常為偶像做出不理智的行為。(圖片：《愛回家之開心速遞》電視截圖)

{{hket:inline-image name="YES4.jpg"}}{{/hket:inline-image}}

為了歐陽波比，群姐差點就誤中網絡陷阱。(圖片：《愛回家之開心速遞》電視截圖)

{{hket:inline-image name="bobb1.jpg"}}{{/hket:inline-image}}

群姐對歐陽波比朝思暮想，希望總有一日可以合作。（網上截圖）

{{hket:inline-image name="69e96635gy1g2tbjqckf9j218g0xcdui.jpg"}}{{/hket:inline-image}}

早前兩人獲邀為廣告拍攝，網友們都非常期待二人在《愛回家》的合作。（圖片：歐陽震華微博）

拍攝的苦與樂

Bobby今次客串606和607集將於6月下旬播出，分開6日拍攝，而且首日探班以《金裝四大才子》祝枝山造型現身，令人大為驚喜，而群姐則穿上古裝扮花魁，兩人合演一對情侶，更率先預告觀眾一定會笑過不停。提到連日來拍攝上的合作，Bobby笑稱自己演技更上一層樓，他說：「忍笑忍得好辛苦，劇情話我好傾慕佢，佢又傾慕我。群姐話學到好多嘢，我同佢講：『你平時劇情主要入辦公室講兩句就走，依家成場戲睇住你喎！』所以，佢開頭都好緊張，大汗疊細汗，額前個瀏海都未乾過。」

{{hket:inline-image name="b3689286-9bfc-4e34-bddc-c0761759bc57.jpg"}}{{/hket:inline-image}}

講足咁耐，終於成事，Bobby答應為《愛回家》客串兩集演出。(《晴報》圖片)
 

{{hket:inline-image name="996.jpg"}}{{/hket:inline-image}}

劇中Bobby同群姐分別演祝枝山同石榴，一對古裝小情人。（圖片：《東張西望》電視截圖）

{{hket:inline-image name="666.jpg"}}{{/hket:inline-image}}

兩人一碰面發放無限笑彈，Bobby亦預告兩集入面包羅萬有，包保大家睇得好開心。（圖片：《東張西望》電視截圖）

延伸閱讀：《愛回家》全新主題曲塵埃落定 歐陽波比下周一二登場推收視

「綠葉都有機會做到一線」

拍攝過程又熱又辛苦，不為名不為利，只是兩集的劇情，也談不上甚麼酬勞，但Bobby卻享受其中，到底係為愛定責任？Bobby笑言：「係窮呀！其實我係為件事好，為群姐好，好想鼓勵佢，希望將佢事業推到高峰，不過可能只係暫時嘅高峰，可能下次佢同發哥做對手戲，哈哈哈！坦白講，呢一個圈子默默耕耘嘅演員，拍戲幾十年經驗，就算大家認同佢哋地位都好，總係會被人感覺重要性唔係咁大。今次同群姐合作係出師有名，講真，唔係編劇組成日將我寫落劇本，我無啦啦出現就會變出師無名啦！實被人話我抽水，以為《愛回家》收視好就返去，但我絕對冇咁諗，我真係希望畀啲鼓勵大家，其實綠葉都有機會做到一線！」
 

{{hket:inline-image name="3d8cf7a0-2751-4007-af20-8311feb0b7dd.jpg"}}{{/hket:inline-image}}

Bobby話佢今次行為令好多人都覺得驚訝，但自己真係好想做個榜樣，鼓勵綠葉演員。（《晴報》圖片）

Bobby在訓練班出身，捱足十年先有機會演出《壹號皇庭》余在春的角色，也正式踏上他男主角的演藝之路，跑龍套、路人甲乙丙都當過，Bobby認為機會對每位演員都非常重要，他說：「每個人工作除了成就之外，也希望有種存在感，一線演員冇可能身邊全部都係一線演員，如果無三線、四線、五線演員襯托之，成個劇集冇可能成事，但三、四線演員總係冇乜存在感，被人感覺冇乜價值。但咁多年嚟，我認為前輩就係前輩，冇綠葉唔綠葉之分，冇呢班前輩托住，死咗好耐啦！TVB過去咁多年最大嘅資產就係呢班前輩，捧一個人做一線演員好難，但佢哋冇一班爸爸、媽媽、爺爺、反派等等去襯托的話，根本唔會成事，搵一個一線演員唔難，要搵一班實力派配角先至難，所以唔好講到我咁慷慨去同群姐演戲，但我都覺得應該自己去做一個榜樣, 畀畀鼓勵。」

待續......

{{hket:inline-image name="69e96635gy1g3cgywfukvj218g0xc4ch.jpg"}}{{/hket:inline-image}}

Bobby大爆在劇中將會轉換多個造型，呢個民初版本《愛回家》，淨係睇相都夠晒期待。

場地提供：MISU Seafood Cuisine（地址：灣仔皇后大道東202號QRE廣場26樓)