連尿片都香 陳凱琳讚囝囝最完美

有子萬事足的陳凱琳（Grace），前晚與黃芷晴在銅鑼灣出席服裝品牌活動，Grace笑言兒子鄭承悅（Rafael）在她眼中是完美化身，甚至連用過的尿片都是香的，但她沒有忽略老公鄭嘉穎，會將老公與囝囝同放在第一位。

陳凱琳前晚穿上背心裙出席活動，她笑言老公鄭嘉穎同樣對衣着有要求，平日會互相給對方意見，嘉穎亦不會阻止她偶然性感。早前他們為兒子鄭承悅舉行百日宴，Grace大讚兒子出街時比在家更乖：「囝囝成日出街見人，又有好多人探佢，所以佢慣咗被人抱，唔怕陌生。」

提到嘉穎取笑Grace不怕臭，最愛為兒子換片，她笑說：「囝囝乜都係香，真係會咁㗎，會覺得佢所有嘢都係咁完美，所以老公負責餵奶同掃風，我就負責幫佢沖涼換片。」問到在她心中，老公和囝囝誰是第一位？她即說：「好難揀，兩個都第一！」

同場的黃芷晴與爸爸黃日華早前拍攝內地綜藝節目《女兒們的男朋友》，節目中她被安排與前無綫藝員、現於內地發展的陳一天（前名陳堃）拍拖，芷晴表示拍完節目後，彼此仍有聯絡：「大家互相了解中，佢係好男仔，幾尊重我，前排我生日佢都有為我慶祝，爸爸、媽咪都見過佢，覺得佢ok。」

黃芷晴疑蜜運中

芷晴表示今年生日，最開心是與父母外出食飯，她指媽媽梁潔華之前身體狀況未穩定，又不想打扮，所以較少外出。她說：「依家媽咪可以一齊出去食飯，佢仲肯同我影相，我有一年無同佢合照喇。佢差唔多好番晒，仍要間中覆診。」

採訪︰Pauline

攝影︰林良明

編輯：李潔盈

美術：梁政敏