姚子羚近日被踢爆戀上夜場男高層楊偉文（Raymond)，但男方當時並未同前妻蔡婉珊（Sarika）正式離婚，又有另一個圈外「二奶」，姚子羚疑似做男方「三奶」，加上同Raymond嘅牀照亦意外流出，一時之間，姚子羚陷入「四角戀」醜聞當中。其後姚子羚公開受訪即時澄清，強調自己同Raymond拍拖時，男方已同太太分居，現時已回復單身，跟對方分開，而牀照亦喺自己唔知道嘅情況下畀人偷拍，她轉述男方解釋只係覺得好甜蜜而貪玩拍下。
(姚子羚日前接受訪問時辯稱牀照喺自己唔知道嘅情況下畀人偷拍,東星娛樂)
日前，姚子羚喺IG話自己「無愧於心」，多次訪問中稱不會再有牀照流出，希望大家放過佢。不過今日卻再被人爆岀照片，揭發她早前講大話，有幾張望鏡頭嘅自拍床照，而且笑容燦爛，似乎非常清醒，同早前牀照喺唔知道嘅情況下被偷拍嘅講法有岀入。而報道中仲有佢同疑似Raymond 「二奶」嘅錄音對話，姚子羚想同「二奶」聯手叫Raymond快啲離婚，其後又想逼走埋「二奶」，關係真係七國咁亂呀！
(左：蔡婉珊 右：Raymond )
(蔡婉珊IG圖片)
報道中爆岀幾段疑似姚子羚嘅錄音，都係佢鬧爆Raymond 花心，周圍識女仔：「佢覺得老婆點都係離開佢，所以就放縱自己，繼續食女。但如果佢想老婆返去佢身邊，就唔應該咁做啦」另一段錄音係疑似姚子羚已同Raymond一齊，但發現對方有繼續搵Sarika，於是姚子羚好嬲咁話：「我問多佢一次，係咪去咗搵老婆，但佢又話唔係。」
(有指姚孑羚去年同Raymond 同遊泰國，被爆岀嘅牀照就係身穿呢套泳衣）
(蔡婉珊IG圖片)
姚子羚於「四角戀」醜聞爆岀後，曾稱：「我沉默；並不代表我畏懼。我不逐一解釋；亦不代表是事實的全部。世事豈能盡如人意；但求無愧於心。」現在看來一切都係自打嘴巴。
(姚子羚於IG發文)