共享空間睇歐聯決賽 渣打「利迷」狂歡

歐聯決賽，利物浦2比0擊敗另一支英超球隊熱刺，相信唔少球迷星期日凌晨都有捱夜睇波，作為利物浦足球會主要贊助商嘅渣打，渣打香港更特別「體恤」員工，為此開放咗全新共享空間「Pop-Up」，畀一眾「利迷」齊齊睇波，為球隊打氣！

今年4月底先啟用嘅「Pop-Up」，佔地面積約7,000呎，入面一應俱全，除咗提供早午餐、休息室外，仲有哺乳室、祈禱室、自助電子設備販賣機等，而且會為員工舉辦唔同活動，例如業界研討會、客戶活動、講座、興趣班等，包括今次畀約100名員工同其家人或朋友，邊享用場內免費提供嘅小食同飲品，邊透過大電視觀看歐聯決賽，認真唔話得啊。