張景淳（Stanley）在《愛回家之開心速遞》入面飾演「龔燁」一角，大受歡迎，特別是跟熊若水（呂慧儀飾）發展出來的戀情，備受關注，觀眾們對這對熒幕情侶都顯得非常受落。Stanley接受《晴報》訪問時說：「我知道大家好鍾意『龔水戀』，好受歡迎，的確今年帶來的討論和話題是慢慢感受到。呢個感情線由2017年12月開始，頭一個月其實大家唔太鍾意我呢個角色，可能因為覺得係奸角色，大家會問點解冇啦啦要有個奸角色同熊若水鬥呢？」他表示原來「龔燁」的改變一切都在編劇的掌握之內，將他的人物性格慢慢改變，直至近年開始是「收成期」，龔燁和熊若水都分別得到民間獎項的認同，令他和呂慧儀愈做愈起勁，也期望這個角色能夠有再進一步的發展。
張景淳表示由奸角慢慢變成水水身邊的好男友，一切都是編劇組的功勞。（《晴報》圖片）
「龔水戀」令呂慧儀和張景淳成為大受歡迎的熒幕情侶。(圖片：呂慧儀IG）
Stanley直言不少網友都為「龔水戀」非常著緊，之前曾經有暗湧，大家都紛紛留言勸阻，問到兩人往後的發展？Stanley透露：「好開心，之前龔燁同水水拍拖，網友發起幫我哋慶祝兩個月紀念，暫時劇情不外乎拍拖日常咁啦，不過《愛回家》個劇好長，長時間都係一個挑戰，希望維持到呢段感情啦，我哋目標係打破1000集，之前曹總、賈名媛介入我哋，不過我哋都企得好硬淨，嚟緊會點樣呢？大家有冇留意到我阿爸（蔡國慶飾）成日將熊若水叫錯做阿May？到底劇情遲少少會唔會真係有May呢個人出現呢？曹總繼續落去仲會有咩手段呢？希望龔水可以敵得過時間。」
Stanley劇透龔水戀將會面對很多不同的挑戰和暗湧。（《晴報》圖片）
到底兩人是否可以走到白頭，等根叔可以飲女婿茶呢？（圖片：張景淳 IG)
「龔水」世紀一吻，令全地哄動。（圖片：《愛回家之開心速遞》電視截圖）
其實網友對於「龔水戀」總係有一個迷思，因為有時見到水水高啲，有時又覺得龔燁高啲，每次佢哋拍拖戲一出，兩人高度總是成為討論話題，到底張景淳高、還是呂慧儀高呢？Stanley說：「基本上我同阿蟹（呂慧儀）係一樣高，大家都係176至177厘米高，5呎9，拍劇時候我多數著皮鞋，大約有一吋多少少鞋踭，而佢多數著幾乎得半厘米踭嘅鞋，呢個係佢體貼嘅地方，所以兩個人拼埋一齊就會微微有個距離，起碼演戲時不會有壓迫感。我知道好多網友都關注呢個問題，因為有一集講我同佢行街，畫面上我高佢好多，但鏡頭交代唔到其實我哋企喺斜坡上面，所以我先高佢半個頭有多，好多網友話冇可能，點會發生？其實拍戲係會有郁動，其實同我差不多高嘅男藝人而冇被人話矮嘅好多，但唔知點解一同阿蟹拍埋一齊，好多人總係覺得張景淳唔夠高。其實阿蟹真係好高，佢高過公司好多男藝人！」
張景淳重申自己同呂慧儀係一樣高，自己並唔係特別矮。（《晴報》圖片）
還記得「崔Auntie」到訪當日，龔燁要著增高鞋扮高大威猛男友，水水即時變小鳥依人。(圖片：呂慧儀IG）
咁樣睇落，龔燁好似高少少，但原來水水每次都著平底鞋遷就對方，係非常體貼嘅好拍檔。(圖片：呂慧儀IG）
曹總絕對係龔水戀之間的程咬金。(圖片：劉一飛IG）
在《愛回家》算不上是戲份最多的男主角，卻是慶幸夠入屋又受歡迎，Stanley其實一度離開過《愛回家》劇組，2018年3月他因為另外有工作需要，暫時離組，在社交網站站突然發文表示離開，他說：「其實深刻嘅數之不盡。再見媽呢空，工（龔）水再見看緣份。」沒想到此文一出，惹起網友大為不滿，網友揚言要發起「龔燁行動」，希望Stanley盡快歸隊。Stanley說：「我慶幸當年重返《愛回家》，當初離開過，係因為有另外嘅工作安排，冇辦法分身去做，後來工作取消，加上我自己一直都有個心，無論另一個工作需時幾耐都好，完成後我都係想重返《愛回家》嘅，既然後來同另一工作冇牴觸，於是監製同編劇組都歡迎我歸隊。我真係覺得2017年最開心係加入《愛回家》，2018年最開心係重返《愛回家》，而今年2019年最開心係繼續拍緊《愛回家》。
張景淳稱幸好當時沒有離開《愛回家》，才會成就今日的「龔水戀」。（《晴報》圖片）
「龔水戀」大受歡迎，睇嚟一定長做長有。(圖片：呂慧儀IG）