拍MV唔咀麥家瑜 譚詠麟：留畀後生做

校長譚詠麟（阿倫）一向喜歡提攜後輩，前晚他與麥家瑜和趙浚承到九龍灣出席音樂平台直播活動，阿倫大讚兩人有潛質。麥家瑜則表示今次合作，從校長身上獲益良多。

譚詠麟去年跟素人合作，收到不少好歌，但由於未能一次過採用，所以部分好歌將收錄在今次專輯內，唱片公司更讓他挑選不同歌手，分別合唱新歌。而近日派台歌曲《某月某日會OK》，由阿倫與麥家瑜合唱，兩人前晚即場獻唱，搞笑的阿倫連忙把歌譜放在面前。

6首新歌製成微電影

問阿倫是否覺得兩位後輩非常有潛質？他說︰「係，啱晒角色，唱片公司畀啲歌手相我揀，睇下邊個啱個情節。」之後安排六首歌拍成MV，然後串成微電影，並找來很多藝人客串，阿倫亦有多個不同角色。

提到以前拍MV好艷福，總會跟女主角有接吻鏡頭，但今次與麥家瑜卻沒有，阿倫笑言︰「畀啲後生一輩錫啦！（係咪唔啱口味？）哈哈！又唔係，不過無咁嘅劇情需要。」至於麥家瑜強調從校長身上學到很多，她說︰「今次突破自己，喺演戲上都大開眼界，本身我都易喊，但拍MV時要一秒由開心到喊真係好難，見到校長一秒喊出嚟，真係袋錢入我袋，好開心。」

採訪︰Pauline

攝影︰林良明

編輯︰陳禮恒

美術︰梁政敏