父親節專輯「熒幕下的好爸爸」來到第二集，今次訪問到《白色強人》男主角郭晉安。安仔跟太太歐倩怡2006年結婚，育有一子一女，囝囝郭令山今年已經11歲，而囡囡郭以雅也快將7歲。安仔搞笑稱自己在家裡的地位不高，父親節已經跟上月母親節一同慶祝，沒有甚麼特別活動，安仔笑言：「我上個月母親節已經慶祝咗啦！我要借助母親節嘅威力，坦白講，在於一個父親來講，見大家開開心又好興奮咁慶祝母親節，當然要慶祝埋啦！我怕到時父親節比較冷清，因為小朋友又唔使送花，冇咁多嘢搞！」
郭晉安在《白色強人》登場，為了通過醫改方案，以議員太太的手術威逼對方支持醫改。（圖片：郭晉安微博）
私底下的安仔只要一有時間就會帶兩個小朋友去玩。（圖片：郭晉安微博）
安仔笑言自己從來不強求小朋友為爸爸準備甚麼禮物，反而父親節他會自己準備蛋糕，他笑言：「兩個小朋友唯一最興奮就係食雪糕蛋糕，到時買個雪糕蛋糕就搞掂啦！到咗依家呢個階段，見到佢哋開心我就足夠。」
安仔認為最重要小朋友成長過程開心。（圖片：郭晉安微博）
安仔感激太太為他誕下兩個可愛小朋友，所以母親節比父親節重要。（圖片：郭晉安微博）
安仔表示趁子女仍然未拒絕，自己好樂意接送子女返放學。（圖片：郭晉安微博）
還記得每年學校開課日，不少報章雜誌都會在明星子女學校門外等候，部分明星家長不想子女曝光或者影響其他同學，可能會遮實小朋友容貌，甚至有女星直接教小朋友指記者是狗，但安仔從來不會在子女面前講記者不是，反而教育他們爸爸是做公眾人物，所以記者哥哥姐姐們想影爸爸相，他更會教令山要笑，令山有時搞笑說：「影得靚仔啲！」這方面的教育絕對難能可貴，安仔說：「我只要人在香港，沒有撞到開工時間，都會親自開車接他們返學、放學，因為我心入面好怕有一日佢哋唔再需要我接送，咁我就會好失落，趁佢哋仲黐我就盡量做多啲，畀多啲愛去浸住佢哋。」
安仔表示每日都會攬實一對仔女傾偈，維繫親子關係。（圖片：郭晉安微博）
安仔直言拍劇的工作很忙碌，有時候要飛來飛去，難免會忽略了子女的親子時間，他說：「係呀，有時工作太忙陪唔到佢哋，所以一有時間就要畀好多愛佢哋，愛到佢哋都覺得夠喇，唔好再浸落嚟呀咁樣，我每晚都會每人攬住佢哋5分鐘先會畀佢哋瞓，大家都會傾偈。我哋之間都有傾有講，（囝囝11歲青春期開始拍拖未？)呢個世代冇拍拖先要驚，不過囝囝暫時冇，佢有時有啲問題就會問我，我都好坦白咩都同佢講，絕對係一個開明嘅爸爸，所以佢咩都同我講。」
父母總是有這個想法，你快樂所以我快樂，安仔，父親節快樂！