四叔向浸大捐$1億 支持創意健康教育發展

恒基兆業地產集團及李兆基基金創辦人李兆基（四叔）不時捐錢做善事，今次就向浸大捐出1億港元，支持大學策略發展，真係善心爆棚！

黛安聽公關姊妹講，浸大嘅2018-2028策略發展計劃目標，係發展成為全球舉足輕重嘅研究型博雅大學，重點發展3大領域，包括創意媒體、健康與藥物研發、數據分析與人工智能，例如數據新聞學和數據健康護理。

為咗支持發展創意媒體，四叔亦慷慨解囊，浸大校長錢大康就話，好多謝四叔，往後會帶領浸大喺電影、圖像、文學藝術、音樂、視覺和媒體藝術等領域精益求精，促進香港發展成為亞洲創意之都。