麥當勞魚柳蝦堡登場 炎夏齊歎海洋滋味

夏日熱辣辣，有時難免會無胃口，如果有新嘢食就唔同啦，食慾即刻返晒嚟！公關姊妹同黛安分享，麥當勞即日起繼續推出夏日限定美食，除咗人氣爆燈嘅「滋味蝦堡」同「菠蘿蝦堡」外，全新「魚柳蝦堡」亦會加入「蝦堡系列」大家庭，畀大家一次過歎盡雙重海洋滋味！

前排麥當勞蝦堡系列一出，即刻引起全港旋風，黛安身邊個個同事晚晚都話買嚟食，相當吸引，嚟緊又有新口味推出喇！黛安知道，麥當勞即日起推出全新嘅「魚柳蝦堡」，當中塊魚柳係以嚴選來自可持續發展區域嘅阿拉斯加狹鱈魚製作，外層炸到金黄酥脆，加上入面嫩滑可口嘅狹鱈魚肉，配合埋泰國直送嘅彈牙炸蝦餅同滋味蛋黃醬，啖啖都充滿海洋滋味，真係望到都流口水！

除咗新口味之外，早前推出嘅「滋味蝦堡」同「菠蘿蝦堡」一樣咁吸引，好似「滋味蝦堡」咁，啖啖蝦肉嘅炸蝦餅，配上醒胃惹味嘅千島醬、芥末醬同爽脆生菜，多重口感令人無法抗拒；而「菠蘿蝦堡」就再加入埋醒胃菠蘿片同蛋黃醬，味道格外清爽，令人食指大動。

「蝦堡系列」漢堡大家庭咁多種類咁豐富，真係日日換一款口味都唔會厭，早上11時後就有得供應，有興趣想食嘅朋友，記得供應期同數量有限，售完即止。