【聲明】港生活網站並無進行電話推廣活動

星級導師課程教STEM 小朋友體驗做太空人工程師

發佈時間: 2019/06/13

暑假又到啦,黛安聽公關姊妹講,荃灣悅來坊「夏日熊貓學堂2019」會喺7至8月,舉辦「STEM夢想職業小學堂」,免費開辦小小太空人、機械工程師、科學家等兒童體驗課程,等小朋友可以邊玩邊學習!

參加者只可報讀2個課程

黛安細細個就已經有好多個夢想,希望可以嘗試做下唔同職業,依家機會嚟啦!姊妹話,今次嘅小學堂仲邀請咗兩位星級導師,包括曾帶領學生贏得多次學界比賽嘅Codesmine STEM Academy創辦人朱敬文(Clement)和李國樑(Daniel),親身編排課程,希望透過STEM元素,為6至11歲學生提供唔同行業嘅體驗課程,等佢哋可以親身挑戰各種專業任務!

今次嘅活動費用係全免㗎,大家可以喺今個月27至29號去到悅來坊報名,只要出示已讚好悅來坊fb或追蹤悅來坊ig或WeChat嘅手機頁面,同填妥報名表格,就可以幫最多2名小朋友報名。

不過,黛安都要提醒大家,每位參加者最多只可以報讀2個課程,每個課程要畀20元按金,喺活動當日憑收據取回按金就得。

另外,悅來坊喺7至8月期間仲有一系列免費周末節目,包括天氣瓶工作坊、VR+AR虛擬實境工作坊等。

撰文: 黛安 消息特靈八卦公關
欄名: 八卦名利場