何超盈
賭王何鴻燊四房女兒何超盈日前挺8個月巨肚出席好友嚴紀雯（Carmen）婚宴，並擔任姐妹，仲話點都要親身見證對方嘅人生大事：「今日Carmen大晒，佢叫我做咩就做咩！Carmen係我好朋友，所以辛苦啲都要嚟見證。佢都好sweet，特登訂造條裙畀我，預我都好大條，因為我個肚好巨型。」
何超盈
預產期推前
超盈多番拒絕透露增磅數字：「第一次佗BB，真係唔知道原來係咁辛苦，依家長期都覺得好攰，已經冇返工。（你增磅幾多？）醫生話我係正常，BB女係比其他BB女嘅size大咗兩個星期。媽咪都好緊張，我都有做body check同量血壓。」她透露預產期由原本九月推前：「預產期喺八月底，會喺香港開刀生，已請晒陪月同埋買晒嘢準備，由媽咪一手包辦。」
煲劇攞「皇后look」靈感
早前過大禮時排場奢華兼金銀珠寶堆積如山惹全城熱議，當日以「皇后look」上陣嘅超盈話：「當日我着嘅係特登訂造嘅中國傳統服飾，係我煲劇時見到嗰件衫，Wedding Planner都同我講一生人一次，所以都叫我試吓咁着。」對於父親何鴻燊送上價值五億元的豪宅別墅作嫁妝，她說：「依家咩都畀晒BB，嗰間屋係新屋。（BB房裝修未？）未可以裝修住，依家大緊肚，媽咪喺呢方面好迷信，話生完先搞。」
（IG圖片）
何猷君微博
另外，超盈話暫未有頭緒幫B女改咩名，而同未婚夫辛奇隆嘅婚禮就會喺葡萄牙舉行。(何猷君微博)
超盈懷胎6個月時已經似就生得！(網上圖片)
唔少網民見到超盈懷孕後身材「豐腴」，都不禁驚嘆佢勁有福氣，話佢好似佗住「十兄弟」咁！有人仲猜測佢喺屋企應該萬千寵愛，食好多補品補身，第時B女出世一定肥肥白白咁話！
我哋一齊回顧吓超盈佗B前嘅相。
手腳都好纖幼。(東星圖片)
面尖尖。(東星圖片)
鎖骨出晒嚟。(東星圖片)