【有片】銅鑼灣大巴漏油釀爆炸危機 張堅庭救人斥司機照讓乘客上車 險釀重大悲劇

特首林鄭月娥前日開記者會僅宣布暫緩《逃犯條例》修例，昨日再有近200萬市民響應民陣呼籲，穿起黑衫要求政府撤回修例、停止追究示威者，大叫：「林鄭下台！」。由於人數眾多，港鐵部分車站月台非常擠迫，前往金鐘的巴士站大排長龍，尖沙嘴坐船至灣仔人龍由天星碼頭排至星光大道。昨日於銅鑼灣原來更發生旅遊巴漏油事件，導演張堅庭目睹事發經過，一邊將司機罪行馬上拍低，一邊幫忙解決。事後他把片段以名為《一粒煙頭，今天差點在羅素街燒車，我盡了公民責任，叫人報警。》，上載到張堅庭頻道，引來網民激烈討論。

大巴油箱狂噴油 途人不理照吸煙

事緣張堅庭昨日參加反修例遊行，特意行離大街，做觀察員看看小巷發生甚麼事。行至羅素街時，張堅庭突然聞到有陣味道，才發現一架中港巴士油箱漏電油。他見到不足10呎距一個垃圾筒上面有一大堆煙頭，旁邊有很多人，萬一煙頭引起爆炸，旁邊人群慌忙走避、踐踏，分分鐘造成重大傷亡。當張堅庭正想辦法處理時，背後有個人見到就即刻覺得件事有陰謀，質疑有人故意令大巴漏油，大叫：「喂！係唔係有人搞嘢？」，當時張堅庭很擔心：「一個煙頭，真係可以發生好大件事，大家都知道羅素街，係一條好窄嘅路，出面又逼滿晒人。」

張堅庭播出片段，見到中港大巴的油不斷噴出，車同遊客行人士就在旁邊經過。司機一邊查看，一邊用地拖清理油跡，張堅庭忍不住出口問司機這些是甚麼油，又提醒他這樣很危險。想不到這時竟然有名途人在旁邊吸煙，張堅庭馬上阻止並怒斥：「阿哥，你仲喺度食煙，仲企喺度睇？你知唔知呢度好多人，咁會好危險？唔係講笑，你企喺度望住，你唔救人，呢度成過萬人喺度，有人仲喺度掟煙頭，問你死唔死？而家仲喺度漏緊油㗎，大哥！」，及後張堅庭叫人移開垃圾桶。

{{hket:inline-image name="12.jpg"}}{{/hket:inline-image}}

(張堅庭facebook)

{{hket:inline-image name="13.jpg"}}{{/hket:inline-image}}

(張堅庭facebook)

司機無視漏油讓乘客上車 張堅庭極力阻止

及後，司機無視漏油照讓幾十名乘客上大巴，張堅庭當堂O嘴，立即開口阻止：「喂！你仲畀人上車？你知唔知安全措施點搞，你漏緊油呀！仲畀人上車，係唔係傻㗎你呀！」，惟司機沒有回應張堅庭，只繼續拿着地拖抹走油跡。張堅庭怒火中燒，大喝他們沒有安全意識：「你唔可以畀佢哋上車！仲漏緊油，你有冇搞錯呀！叫佢哋走，叫佢哋落車啦！依家呢個係『計時炸彈』嚟，只等一粒煙頭，離晒譜！」雖然漏油事件已經發生一段時間，不少途人經過時紛紛行開，不過當時未見有警方到場，張堅庭於是叫人報警及找消防員處理。

張堅庭認為司機不是故意，但見到旁邊眾多遊行人士，不禁火起：「佢唔係特登！頭先上晒客，我叫佢啲客落番嚟，唔係特登，佢懵盛盛好危險。應該block住唔好畀人過，你啲伙計喺度呀！唔係唔知呀，依家幾十萬人喺度，你企喺度做咩？呢度唔可以畀人行，你睇吓滴緊油，有冇搞錯呀！」後來有人拿出一大袋疑似木糠吸油，有途人就提醒他做法錯誤，會更容易釀很火災：「你用木糠仲易起火，你吸電油用木糠，唔係玩我吓話，你油渣辣着木糠就好似燒柴咁。」張堅庭就繼續鬧：「仲漏緊，問你死未？」最後司機欲開車離開現場，有途人才報警叫消防到場，司機還笑笑口毫無悔意。

網民睇完張堅庭條片都覺得好誇張，留言多謝張堅庭的義舉：「導演即是導演。指示僅一場處理危險的地方。從而避免災難，Thank you」、「張導演真係一個好市民」、「好彩有你，謝謝張導~如果唔係你喺度，或者當時係普通市民發現提醒佢哋 我諗都可能保安未必會即時理或報消防……」、「好市民，發現這情況，及提示報警找消防。」

{{hket:inline-image name="15.jpg"}}{{/hket:inline-image}}

(張堅庭facebook)

▼完整13分鐘片段

{{hket:facebook-video id="348354459209094"}}{{/hket:facebook-video}}