【有片】張繼聰似gay先追到謝安琪極速生仔 罕有出賣結婚12年模範夫婦之謎

論娛樂圈模範夫婦一定會數到結婚12年的張繼聰及謝安琪，經歷未婚生仔、Eason緋聞、整容、婚變、走音、廢柴老公等負面新聞，中途二人甚至不堪壓力，齊齊患上抑鬱症。不過夫婦同心，其利斷金，他們沒有理會外界聲音，繼續做好自己，攜手捱過9年緋聞狙擊，終於各自在電視圈與樂壇發光發熱。近日謝安琪就罕有在商業電台節目《公子會》接受主持火火、森美的訪問，大爆兩公婆初初相識的秘密，又揭對張繼聰的第一印象，自嘲似出賣張繼聰。一眾網民聽罷非常驚訝，紛紛表示原來想追到女神一切並不是偶然，而是似gay就成功？

{{hket:inline-image name="11.jpg"}}{{/hket:inline-image}}

(商台YouTube頻道截圖)

追女神招式1：做足功課 (按此有完整影片)

張繼聰與謝安琪是恩主教書院師姊弟關係，踏足社會後他們都選擇在2005年踏入樂壇做歌手，出第1張唱片時二人都在同一間唱片公司，形影不離。謝安琪邊講邊偷笑：「死喇好似出賣佢咁添！」，火火即刻話無，哄她說多點。謝安琪於是就爆料指，其實當年張繼聰已經故意跟自己談天，聽到這裡森美已經忍不住大笑。回想多年前，本來他們身為新人，要一齊出席黃昏的頒獎禮的記者招待會，但公司竟然請他們在下午2點去半島酒店食Tea。謝安琪憶述一到埗，就發現二人必須獨自「撐枱腳」，同事們很有共識地走開，坐在旁邊額外訂的枱望住他們：「所以我話點解係特登囉！就係真係好特登......點解咁早㗎呢，嗰個記招係黃昏嘅，但call我2點喺嗰度食Tea......」火火心水清，即刻懷疑公司員工暗地裡夾埋，分明是張繼聰要約張安琪去半島酒店，讚他大方：「我都好欣賞，啱啱出道唔係咁多錢。」

除此之外謝安琪話張繼聰當日行為太古怪，令她懷疑他是不是想追求自己。第1，明明張繼聰常常著復古T shirt，但當日突然為襯衫遲到，穿上「單吊西（西裝與西褲以不同色調搭配）」，與平日造型不同。期間謝安琪忍不住取笑張繼聰以前有段長時間扮演來自2013年未來自己，一件藍色袍走天下的黑歷史：「死喇哈哈哈又笑佢添！」，火火又安慰她：「有啲嘢唔怕笑吓嘅，依家咁成功。」第2，謝安琪說甚麼，張繼聰都會不停認同：「我都好鍾意呀！」，例如演員裡面一樣喜歡木村托哉，甚至翻譯過經典電影《慾望號街車》，他也曾演過這戲的舞台劇，令謝安琪很欣賞張繼聰，認為他很幽默、認真，與自己好合襯：「嘩，同呢個人咁夾嘅，好似講咩都全部好夾咁。」。後來二人結婚，張繼聰才自爆其實為了她做過很多research︰「你覺得嗰日好夾，其實我有夾過吓啲嘢。」

{{hket:inline-image name="12.jpg"}}{{/hket:inline-image}}

(商台YouTube頻道截圖)

{{hket:inline-image name="14.jpg"}}{{/hket:inline-image}}

(網上圖片)

追女神招式2：扮gay？(按此有完整影片)

之後火火問謝安琪，是否當時已經感覺到張繼聰對自己有意思，她卻回應︰「唔係啊，我淨係覺得呢個人都幾多口喎！未有好感嘅，覺得佢幾好傾囉。因為新人好孤獨㗎成日覺得，啫係自己一個去咗好新嘅環境，乜都唔識，樣樣嘢都好緊張，突然有個人同你好夾，好多嘢傾到其實好開心，我嗰日仲有個感覺，心諗終於識到第一個朋友喇！」不過異常地「好傾」、行路有beat、太姿整、說話高音扮可愛，就令到謝安琪懷疑身形大隻的張繼聰是同性戀，誤會了一段時間：「其實我有懷疑佢係gay嘅，因為我真係覺得第1次同佢傾偈，全部一講，佢都會話：『係啊，我都係啊！』我初頭幾次同佢一齊做嘢見面，我都以為佢係gay嘅，佢知㗎。」，所以謝安琪很快就把他列入閨密之中。

火火同美美就很認同張繼聰的行為，表示所有男仔未變成男人之前都會經歷「懶chok」、「懶friend」的階段︰「男人鍾意一個女人都會失控嘅！見到鍾意嘅人就要諗個方法令到自己過得容易啲，如果chok就令人驚驚哋，反而用番同性啲嘅感覺會好啲，太進攻會搞到好核突。」，謝安琪都話這招很管用，讓她有親切感。最後張繼聰果然抱得美人歸，2006年11月，謝安琪就突然公開宣布懷有3個月身孕，與張繼聰於2007年註冊結婚，並於同年6月誕下兒子張瞻。

{{hket:inline-image name="13.jpg"}}{{/hket:inline-image}}

(商台YouTube頻道截圖)

{{hket:inline-image name="16.jpg"}}{{/hket:inline-image}}

(謝安琪、張繼聰 instagram)

{{hket:inline-image name="15.jpg"}}{{/hket:inline-image}}

(謝安琪、張繼聰 instagram)