日本前巨人隊隊員職棒選手51歲桑田真澄嘅24歲仔桑田將司(Matt),17年亮相日本節目《超人氣法律諮詢事務所》時引發討論,身高181cm嘅佢除咗係婚紗模特兒,仲係一個音樂人。
(日本電視截圖)
不過引發外界關心嘅係佢不斷「進化」嘅五官,仲有網友話佢越嚟越似大陸嘅「蛇精男」。
(Matt ig)
佢當年自爆「美容中毒」,每個星期使逾$3000植睫毛、染眉、去皮膚科打美容點滴、導入負離子,仲話每次畀人讚皮膚好就就會好開心:「我隨時隨地都想用100%嘅狀態與人見面。」Matt爸爸桑田真澄外型勁Man,同細仔Matt完全唔似,而Matt嘅媽媽亦係純正日本人,於是佢嘅混血輪廓惹嚟整容疑雲,更有網民上載佢求學時期嘅相,話佢完全唔同晒,不過Matt從來冇承認整容。
Matt求學時期好Pure好true!(網上圖片)
Matt喺父母溺愛下生活相當「離地」,佢表示高中時因為「唔識乘搭地鐵」,每天使約$1,389乘搭的士返學。Matt高中老師「睇唔過眼」,喺老師要求下Matt15歲先第一次搭JR山手線鐵路。Matt曾透露每月有近$70,000零用錢,更自爆曾衝動買約$104,000嘅色士風,奢華到超離地,令在場嘉賓非常驚嘆!
(Matt ig)
Matt爸爸桑田真澄成日都忙住參加比賽,同阿仔相處時間非常少,因此特別珍惜親子時光,小學嘅時候就算屋企同學校相距僅5分鐘路程,爸爸一得閒都會揸住架Benz接送佢返學放學。老爸桑田對Matt嘅使費亦冇意見:「每個人用錢嘅方式唔同,我都想見到靚嘅Matt。」
爸爸桑田真澄好支持阿仔,父子感情勁好!(Matt ig)
Matt:「You are the greatest Dad in the world. 」(Matt ig)
Matt最近再以新臉孔回歸,近日頻頻現身綜藝節目,成為全場焦點。日前出席節目《ダウンタウンDX》解釋自己因「電池冇電」而休養半年。
再進化。(日本電視截圖)
無極限。(日本電視截圖)
期間主持們亦研究佢呢3年嚟嘅「變遷」,更有嘉賓表示佢已進化成「玩具臉」,宛如Barbie嘅男友Ken。不過Matt喺節目上聲稱完全冇整容,解釋話全部都係化妝效果。
素顏咁嘅樣。(Matt ig)
Er.....平時嘅相應該加埋P圖嘅……(Matt ig)
Matt仲同AKB48嘅23歲前成員奧真奈美孖住自拍!(Matt ig)