江華久休復出為太太獻聲 喊冤冇收埋：我有鼓勵佢出嚟

江華與麥潔文結婚多年，二人育有一子一女：陳耀淙（Bryan）和陳薔天（Tin）。早前江華接受《晴報》專訪時，亦有大談父子關係，從兒子Bryan身上學識做人道理（【我係星．爸】江華感恩兒子做醫護 從子女身上學做人）。

{{hket:inline-image name="dddd.jpg"}}{{/hket:inline-image}}

（《晴報》訪問影片截圖）

江華太太麥潔文是著名女歌手和歌唱老師，代表作有《夜夜痴纏》，當年同江華結婚，為專心照顧家庭淡岀娛樂圈，令不少歌迷不捨。近年一對兒女已長大，麥潔文有意復岀，開始心愛的歌唱事業。今日（6月13日），江華和太太岀席活動「明愛暖萬心」，麥潔文公布喜訊，暫定將於10月中在麥花臣球場舉行演唱會，不過還未定開多少場次，而且有望一家三口同台演出，相信令不少樂迷喜岀望外。

{{hket:inline-image name="7ca2e845-e3e5-4183-a488-7cd5e988b8e0.jpg"}}{{/hket:inline-image}}

(圖片來源：東星)

麥潔文稱：「我會獨唱，跟住同個女再合唱，另外一part又會同老公（江華）合唱。呢排我哋都好勤力，日日喺屋企練歌。」今日一家三口首次同台合唱，相當難得，被問到跟家人合唱會否有難度，特別麥潔文是唱歌老師時，江華即時搶著答：「梗係難啦！」而麥潔文説：「合唱係少少難度嘅，不過其實我好隨意㗎，反而係佢哋要求高過我。我開演唱會隨時ready㗎，幾時唱都得，畀我彩排下就得。」不過麥潔文感嘆現時唱歌比起以前難好多，她説：「我哋個年代嘅歌就好容易記㗎，而家啲歌詞真係作文咁。今次（演唱會）會唱自己歌，都有其他人的歌。」

是次訪問見江華淸減不少，明顯為演岀保持最佳狀態，有努力keep fit。不過江華就開玩笑稱：「無飯食囉，成日餓呀。」其後江華説：「其實我哋要無時無刻保持最佳狀態，唔係而家先keep，我都成日有做運動。同埋節制係好緊要，我經常同老婆講要自我控制，好似佢成日見到甜品就兩眼發光，不斷食，食完搞到又話要通淋巴，又話要減肥，所以如果一直有控制開身形，咪唔會有肥呢個問題。」

{{hket:inline-image name="7865b1a2-2b6a-4325-bd40-915747bbde01.jpg"}}{{/hket:inline-image}}

(圖片來源：東星)

得知麥潔文會開演唱會，令不少樂迷很高興，而江華就有嘢澄清啦。他説：「啲人成日講笑『江華做乜都管住哂個老婆，唔畀佢岀嚟唱歌，麥潔文結咗婚就淡岀好可惜，明明唱歌好好聽』。成日有人咁話我，我真係受好大委屈，我都要澄清下，其實我一路都有鼓勵佢岀嚟唱歌㗎」麥潔文聽完打情罵俏回答：「我都有委屈，以前我成日跟你去拍戲，啲人夠話我跟住你！」之後麥潔文再解釋：「其實係因為個時一對仔女始終年紀好細，我都要照顧佢哋，無咁多時間，而家仔女大咗，有自己世界，我哋咪多咗時間做自己鍾意嘅嘢。」

{{hket:inline-image name="a121a630-36d3-4904-8db1-ce1e5aa18d07.jpg"}}{{/hket:inline-image}}

(圖片來源：東星)