黃淑儀重提被刺傷道歉都冇句 汪明荃：「可能佢真係好介意」

TVB新劇《好日子》接檔外購劇《倚天屠龍記》，昨日播岀第一集，大家熟悉的黃淑儀亦有演岀，演岀李國麟的太太，齊家村村長夫人。新劇節奏幾輕快，劇情都算輕鬆，令人期待之後嘅發展！

{{hket:inline-image name="eeee.jpg"}}{{/hket:inline-image}}

（TVB電視截圖)

{{hket:inline-image name="jjj.jpg"}}{{/hket:inline-image}}

（TVB電視截圖)

現年69歲的黃淑儀岀道多年，拍過好多經典劇集，近日佢接受商台節目《1圈圈 星光背後》訪問，重提1976年為無綫拍攝劇集《書劍恩仇錄》時，同汪明荃（阿姐）對戲時，唔小心畀對方刺傷眉心嘅事，似乎仲相當在意，兩位阿姐莫非仲有啲解唔開嘅心結？

{{hket:inline-image name="TUNGSTAR4390217.jpg"}}{{/hket:inline-image}}

（東星娛樂)

黃淑儀對該次受傷經過依舊歷歷在目，喺電台節目入面再次親述當時情況，佢話當時拍劇用嘅劍、刀都係真金屬，所以好容易斷。黃淑儀：「有一場戲我撩佢（汪明荃），佢嬲就攞把劍一嘢打過嚟。我一擋，把劍一斷就飛咗嚟我眉心。個時真係好痛，到咗醫院一共縫咗四針，到而家我一皺眉都見到有條痕。」黃淑儀又說當時唔驚：「意外嚟㗎嘛，係真係冇事，總之唔好插到我隻眼就得。」呢件事發生後，一直有傳阿姐同黃淑儀鬧不和，當電台主持人問到時，黃淑儀急忙否應：「絕對無不和，大家都知係意外。不過，當年阿姐連半個電話都冇打嚟問，『你點呀』，或者『唔好意思』。反而近年見到佢，佢自己攞番件事嚟講。」

{{hket:inline-image name="iii.jpg"}}{{/hket:inline-image}}

（商業電台節目截圖）

黃淑儀重提舊事，相信大家都好關心阿姐點睇此事，日前阿姐岀席活動時亦有回應此事。阿姐話：「其實由後生到依家我都講緊對唔住，可能年輕時我唔係好識呢啲，當年無打到電話問候。但佢每次講親呢件事，我都會再講對唔住。都咁多年佢又提返，可能真係好介意。我哋又無不和喎，有一齊拍過劇㗎嘛，佢份人都無嘢。」

{{hket:inline-image name="62381702_1341289009354202_8646889601250725003_n.jpg"}}{{/hket:inline-image}}

（汪明荃ig圖片）