前HotCha成員張紋嘉（Crystal）和DJ梁梓禧（前名：梁奕倫）兩個風馬牛不相及的人，因機緣巧合在音樂劇上面合作，他們各自面對過事業上的低潮，沒想到能夠成為「同路人」，大家互相鼓勵，深信最壞的日子總會過去。
一click即睇：
Crystal和梁梓禧可謂同是天涯淪落人。（《晴報》圖片）
不是每個人演藝之路都一帆風順。（《晴報》圖片）
今年快將34歲的Crystal┬2007年為歌手擔任舞蹈員而被發掘，跟黎美言（Winkie）和張惠雅（Regen)組成女子組合HotCha出道，當時唱片公司是卡拉OK集團，不斷力捧，加上三人陽光可愛的形象，大受歡迎，可惜好景不常，三女因為發展不太理想，Regen決定離開香港去澳洲打工賺錢，只剩兩人的組合又失去號召力，最終Crystal決定單飛，她說：「當時事業係突然急升，因為我本身讀新聞系，原本諗住一定唔好紅，玩玩就算，冇諗過一開始就接到好多廣告同工作，高峰期試過一日接9個活動，你諗吓，依家一個月都唔知有冇9個活動可以接。我係HotCha入面最紅一個，亦係最窮一個，一路都好想脫貧，希望可以更加努力，冇諗過咩都未發生事業就跌落嚟...」她直言當年在無綫的遊戲節目中玩得非常投入兼進取，不是為了好勝心，而是她在最窮的時候只能靠玩遊戲得來的獎品禮劵來換食物，她說：「當你曝光率唔多，事業靜落嚟，可能你以前嘅同學就會覺得好冇面，屋企人又覺得好冇面，因為佢哋覺得電視上面見唔到你，就代表你冇嘢做，唔紅！」
Crystal紅過也面對人氣下跌過，但她沒有放棄自己的信念。（《晴報》圖片）
捱窮捱出志氣來，她慶幸家人一直支持她。（《晴報》圖片）
Crystal在HotCha時代非常受歡迎。(圖片：張紋嘉IG）
HotCha當年一出道大受歡迎。（圖片：受訪者提供）
Crystal認為事業沒有一下子跌落谷底，只是感受到愈來愈差，加上Regen離隊，環境每況愈下，她說：「我起初仲好有雄心單飛發展，後來發現外界冇乜反應，有段時間加上感情問題，冇食嘢又唔敢見人，因為當時你實在唔知你點樣去答人你做緊啲咩，搞到身體出現警號，有少少厭食症跡象，就算全日唔食嘢都冇感覺，日復日咁樣，試過最瘦體重得返92磅。」試過朋友邀請出席婚禮，Crystal無辦法可以準備合乎「市價」的人情禮金，她惟有向主人家坦承，但內心非常難過，她說：「朋友唔介意當然好開心、好感動，但我會自責自己到底做緊乜，真係好垃圾，人哋同我同年紀，已經結婚兼事業有成，但我連咁樣嘅人情都畀唔起，個刻真係好難受。」
梁梓禧人到中年才面對經濟問題，他自覺非常失敗，大為氣餒。（《晴報》圖片）
同樣是婚禮，同樣是人情禮金的問題，梁梓禧決定連朋友的婚禮都不去：「2000蚊人情又畀唔到，500至800蚊又被人話寒酸，所以我情願唔去。」剛剛滿47歲的梁梓禧最大的人生低潮就是2006年的官司，當年他因一項串謀詐騙罪被法庭判罰150小時社會服務令。他說：「2006年至2016年係我十年衰運，我有官司在身，解決之後仲要入雪櫃，希望令人淡忘件事，但當年我30幾歲明明衝刺緊事業，即時咩都冇晒......當時月頭要交租，我唔夠錢要問朋友借錢交租，30幾歲一名中坑，需要用100蚊嘅時候，連提款機都唔夠錢提唔到100蚊，真係覺得自己好冇用。」
汪明荃曾經公開讚揚梁梓禧的主持工作。（圖片：受訪者提供）
23歲已經站上舞台主持頒獎禮，雄心壯志的他沒想到面對一個又一個困難。（圖片：受訪者提供）
梁梓禧在西藏收到好消息，加上車上播放《笑看風雲》一曲，不禁流下男兒淚。（圖片：受訪者提供）
梁梓禧憶起23歲當年他獲邀擔任「十大中文金曲頒獎典禮」，跟大前輩車淑梅和伍家廉一齊擔任司儀，當時雄心壯志幻想過，希望十年之後可以成為金牌司儀鄭丹瑞（阿旦），他笑言：「原來唔係旦哥，係零蛋。有次我同爹地一齊坐車經過觀塘冰室，我話間冰室都幾多人排隊，點知爹地話其實間間冰室都係咁，好睇彩數，而我就係唔好彩嘅一群。有次我主持《今日VIP》訪問汪明荃，佢喺社交平台度讚我訪問前好畀心機做功課，讚完，但我仍然都係冇其他工作嘅機會。」直至2016年梁梓禧在ViuTV主持《啪啪聲太好聽》，由於點擊率好高，他獲得最高點擊的主持人獎項，他說：「當時我去西藏旅行未能親身領獎，當我收到消息的時候，剛好旅遊車上播放鄭少秋的一曲《笑看風雲》，我記得歌詞寫到：『誰沒有一些刻骨銘心事，誰能預計後果，誰沒有一些舊恨心魔，一點點無心錯。誰沒有一些得不到的夢，誰人負你負我多，誰願意解釋為了甚麼，一笑已經風雲過。』當時我即刻喊出嚟，過去十年我經歷好多難堪嘅事，有人話我知一笑已經風雲過。」
梁梓禧望以個人經歷勉勵大家不要放棄，路一定會愈來愈好。（《晴報》圖片）
梁梓禧說：「我好想勉勵低潮中嘅人，路只要順住行，你肯留返條命的話，機會就會慢慢畀返你。」而Crystal認為每個人都有自己的人生時間表，不要跟別人相比，即管去做自己喜歡的事情，當有天成功，一切的比較都已經不再重要。他們在今年8月16至18日假香港理工大學賽馬會綜藝館舉辦一連四場的合家歡音樂劇《童話‧兒童的心底話》，除了Crystal外，還有星級家長陳國邦、羅敏莊和林子博等參與演出。