【聲明】港生活網站並無進行電話推廣活動

雲頂女歌迷讚靚仔 伊健:呢啲唔使講啦!

發佈時間: 2019/06/26

鄭伊健日前首次在馬來西亞雲頂舉行個人巡唱,施展渾身解數又唱又跳。伊健甫上台便一口氣演唱了14首歌,然後才跟觀眾打招呼,更有女歌迷在台下大讚偶像好靚仔。

伊健做歌手接近30年,首次在大馬雲頂開騷,心情特別興奮。他表示:「今次係我第一次以個人姿態喺雲頂開個唱,20年前出席頒獎典禮,同埋2016年嘅《友情歲月演唱會》,好開心終於嚟到開個人演唱會。」伊健還搞笑說︰「大家知道我叫鄭伊健,其實我有另一個花名叫『伊麵』Noodle,我嘅伴奏團隊就叫Cup Noodle『杯麵』。」

酒店健身設備完善

伊健再次演出「重頭戲」倒掛圓環,足足騰空倒立20秒,盡顯超凡臂力。伊健其後步上升降台,對全場粉絲唱歌,又送T恤給觀眾,掀起全晚高潮。期間,有女粉絲不時在台下大喊︰「你好靚仔啊!」伊健即回應︰「呢啲唔使講啦!」至於當地酒店得悉伊健大駕光臨,亦給他製造驚喜,當伊健與工作人員打開酒店房門,眾人即時嘩聲四起。伊健笑說︰「可能知道我鍾意做運動,房內有齊所有健身設備,跑完步又可以練肌肉,唔知佢哋有無察覺我強勁嘅臂彎又結實咗?」

撰文︰倪小珊

編輯︰陳禮恒

美術︰梁政敏

伊健載歌載舞,不期然露出結實胸肌。