鄺潔楹玩跳樓機嚇到手震

鄺潔楹（Judy）、伍樂怡昨午到海洋公園，戴上虛擬實境（VR）裝置試玩跳樓機。事後Judy玩到眼濕濕兼手震，她表示︰「戴住眼罩好焗，又有少少手震，我哋完全唔知道要上去，所以有少少嚇一嚇。（嚇到爆粗？）我忍住，因為曾經拍《3日2夜》玩skydiving試過爆粗，當時教練好有經驗，我話唔好跳住，但就喺8,000呎高空跳咗落去。」

至於伍樂怡透露近日積極減肥︰「我在三星期內減咗五、六磅，不過仲未達標，目標係減至110磅，有跑步配合飲食！（擔心上圍縮水？）所以要慢慢咁減。」Judy聞言即抽水︰「你真材實料，唔怕！」