手機變武器 陳煒扑到黃智賢見紅

陳煒（煒哥）、黃智賢（Ben）及翟威廉等，前晚在觀塘出席新劇《好日子》首播飯局。Ben大爆煒哥在劇中會「蝕底」給張達倫，而煒哥則自爆用手機扑到Ben頭部爆缸，希望刺激收視。

陳煒前晚在飯局上，搞笑示範劇中「毆打」黃智賢一幕，煒哥笑說：「其實我喺套劇無蝕底，因為場戲係我嘅年輕版拍嘅，即係吳嘉儀。而我只係負責武打場面，成日要打Ben，用手機打到佢爆缸。」Ben表示在劇中被煒哥誤解了30年，問他現實中可曾被誤解？他說：「最記得係讀書嗰陣，老師以為我練精學懶，後來好多同學喺紀念冊對我有正面評價，老師先知怪錯咗我。」

另外，單身的煒哥提到感情生活時，透露現有追求者，近日放假的她終有時間嘗試了解對方。問她可接受異地戀？她說：「睇緣份，我試過喺飛機被搭訕，對方留咗電話號碼畀我，但我擔心人哋底細，最後都係無下文。」

翟威廉恨拍拖

同場的翟威廉，在劇中同時獲余思霆和簡淑兒愛慕，問誰是他心中杯茶？他坦言恨拍拖，但搞笑說：「要試下先知，不過我太忙，因為忙做唱歌live同招呼好多女歌手，有好多茶杯，但有得睇無得飲！」

撰文︰Pauline

編輯：李潔盈

美術：梁政敏