同佳麗撞樣 「池美麗」自抽：應該選港姐？

《2019香港小姐競選》前日舉行首輪面試，今屆有不少佳麗與女藝人撞樣，其中一名佳麗更被指與《愛．回家之開心速遞》的「池美麗」極為相似。飾演「池美麗」的鍾凱琪前晚在社交網出po自抽，她寫道︰「繼上次飯托之後又一鋪撞樣？在下絕對大眾面。萬能key？話時話大家係咪真係覺得我當年唔應該參加叮叮（殘酷一叮），而係應該參選miss hk？但我估計我絕對會畀人1秒即叮！選美包尾拿第一有無獎品㗎？」有網民提議《愛．回家》可加插「池美麗」選美的劇情，實行抽乾水為止。