【聲明】港生活網站並無進行電話推廣活動

與古仔家輝並列「港普」三甲 黎諾懿︰喺無綫我肯定第一

發佈時間: 2019/06/26

黎諾懿首次掛帥的旅遊節目《懿想得到》,將於下周一播映。諾懿不但落力宣傳,更模仿陳偉霆,大曬「神級普通話」拍宣傳片,昨日諾懿否認刻意惡搞陳偉霆,身為「港普教父」的他笑言在片中講普通話,只是娛樂大家。

黎諾懿昨日與嘉賓楊明、李家鼎及麥美恩,出席《懿想得到》記者會,諾懿表示多位嘉賓為他獻出第一次,例如鼎爺與薛家燕分別在節目中出浴。提到諾懿因一口「神級普通話」,被冠以「港普教父」之名,更疑抽陳偉霆水拍攝宣傳片,諾懿解釋說︰「網民話我惡搞,其實以我嘅語言能力,點會惡搞到人!其實係編審提議我用普通話拍,我口快快應承,用陳偉霆廣告做藍本,希望偉霆唔好唔開心,佢嘅fans唔好嬲,大家只係玩下。」

問諾懿與好友鄭伊健,誰的普通話更好?他笑說︰「伊健啲普通話已大有進步,依家由我同古天樂、張家輝並列三甲,但我喺無綫肯定係第一位!」原來諾懿正跟好友利嘉兒學習普通話,他又笑說︰「其實老婆讚我啲普通話,比七年前《舞動奇跡》已經進步咗好多!」

楊明承認爆粗

同場的楊明,提到日前遭落選港男梁裕恆(Flow)公開WhatsApp群組對話,指楊明爆粗罵反對修訂逃犯條例的示威者,楊明坦承有爆粗,但表示沒有抨擊和平示威的人:「我係睇咗有人挖磚同鬧記者嘅片段先咁講,但Flow只係抽咗一啲字眼出嚟,總之我嘅立場係和平、反暴力。」

採訪︰Pauline

編輯︰李潔盈

美術︰梁政敏

黎諾懿在宣傳片中「神還原」陳偉霆的舉止。(網上截圖)