李克勤昨日(25日)到北京出席「2019李克勤全新國語專輯發布會」為新碟宣傳。時隔多年再次推出國語碟，克勤表示今次新碟嘅歌曲會有多元化音樂元素相融合, 碟中第一首主打歌《你是我的大明星》係克勤首次與「杭蓋樂隊」共同創作嘅作品, 結合咗流行樂與蒙古民族音樂元素, 風格非常新鮮。追隨克勤多年嘅忠粉一直緊貼資訊，發布會當日真係有好多熱心嘅粉絲為克勤做足準備……
(「2019李克勤全新國語專輯發布會」現場@李克勤國際歌迷會微博專頁)
(「2019李克勤全新國語專輯發布會」現場@李克勤國際歌迷會微博專頁)
大會指定歌迷須著黑衫出席活動 現場有內地歌迷獻上「花牌」?
李克勤喺香港同內地, 都分別有一個名為「李克勤國際歌迷會」嘅粉絲專頁, 克勤出道多年自然喺兩地都累積咗唔少粉絲。克勤嘅新碟發布會前夕，專頁管理員Po文呼籲想參加活動嘅會員在活動當日必須穿著黑衫及風褸出席, 必要時更有機會被要求舉燈牌等。活動當日, 場內見到有由內地歌迷為克勤準備嘅「小小心意」。
克勤粉絲們特意去訂造一個附有克勤肖像嘅「花牌」, 並喺場內井井有條地排列, 場面非常壯觀。有無法出席活動嘅克勤粉絲表示:「可以到現場的朋友太幸福了」、「場面好壯觀」、「好正吖!可惜唔可以出席啦」。不過, 亦有部分克勤粉絲認為, 內地歌迷所準備嘅「花牌」, 似乎唔太吉利:「嘩!真係大吉利是!」、「邊個設計㗎...百無禁忌...」、「像喪禮呢...」。
(李克勤歌迷會指定須穿黑衫參與@李克勤國際歌迷會Facebook專頁)
(「2019李克勤全新國語專輯發布會」現場@李克勤國際歌迷會微博專頁)
(「2019李克勤全新國語專輯發布會」現場@李克勤國際歌迷會微博專頁)
韓國原來早有「明星肖像花籃」
李克勤新碟發布會現場所出現嘅「花牌」, 雖然令網民見到覺得好唔吉利, 但原來喺韓國呢種設計嘅花籃非常盛行，原意係粉絲想表達自己對偶像嘅支持。而喺香港，通常出現呢類肖像嘅「花牌」, 都係粉絲為紀念已逝去嘅明星而造。
(網上圖片)
(粉絲悼念張國榮花牌@曾幾何時的香港Facebook專頁)