【聲明】港生活網站並無進行電話推廣活動

李亞男扮牛扮狗逗女兒笑

發佈時間: 2019/06/27

李亞男和王祖藍的女兒王天韻(Gabrielle)現已六個月大,亞男最近帶女兒做健康檢查,得悉將來會是一名高妹,亞男爆祖藍已開始擔心女兒身高。她又稱為了𠱁女兒笑,平日在家中要扮牛扮狗。

李亞男昨日擔任親子活動嘉賓,說到女兒Gabrielle已半歲,亞男亦回復懷孕前的纖瘦身形,她透露全靠營養師幫忙︰「個餐單有飯食又唔餓,依家已經減咗20磅,但未回復生B之前咁樣。」她指女兒現在開始轉食粥仔︰「我每日都用唔同嘅材料加入粥仔,見佢追住食好開心。睇住佢每日成長,又鍾意睇書,我日日喺屋企扮貓、扮狗、扮牛咁叫去引佢,表情要好浮誇先吸引到佢。」

祖藍擔心女兒太高

問到老公王祖藍又會扮甚麼𠱁囡囡?她說︰「佢好渣,平時扮少少嘢都𠱁到觀眾笑,但對住個女要施展渾身解數,阿女先笑一下。」亞男還自爆囡囡比同齡小朋友高,完全遺傳了媽咪的優點,她得戚表示︰「我啲基因贏咗!」不過她就笑指,祖藍開始擔心女兒太早發育,很快就要仰頭才可以跟她說話,「依家祖藍好珍惜可以低頭同個女傾偈嘅時光,哈哈。」

採訪︰Pauline

攝影︰林良明

編輯︰黃卉彤

美術︰梁政敏

女兒Gabrielle樣貌和身高都遺傳自媽咪。(IG圖片)