余思霆被男友投訴大食

余思霆及男友朱敏瀚首次以情侶檔出席韓國紙雕插畫杯藝活動，不但着衫襯到絕，玩遊戲時更不停放閃。被問到酬勞是否加碼？朱敏瀚表示︰「其實我哋無問過，覺得有嘢做就好開心。」二人拍拖大半年，朱敏瀚坦言感情已開始穩定，最近他還拉攏女友一齊做gym。

二人被問到對方的缺點是甚麼？朱敏瀚坦言不喜歡女友食太多薯條，因為他要健身，要戒掉許多食物。余思霆即作狀「投訴」︰「佢成日話我食太多嘢，打完邊爐唔畀我食糖水。（為佢戒薯條？）sorry，應該唔會。（覺得男友管得好嚴？）都知道佢係為我好嘅。」