鍾嘉欣拖老公仔女拍MV

鍾嘉欣昨日推出新歌《做你的晨曦》，嘉欣更孖脊醫老公Jeremy、2歲女兒Kelly和10個月大囝囝Jared，一家四口總動員齊齊拍MV。一對小寶貝在MV內的萌爆樣子十分吸睛，搶盡媽咪風頭。

闊別樂壇三年，鍾嘉欣推出親自作曲的新歌《做你的晨曦》，英文版本《Mommy I Love You So》更由她親自填詞。她說︰「創作呢首歌嘅靈感好自然，有晚我哄當時九個月大嘅女兒Kelly瞓覺，佢瞓着之後，突然有種唔捨得囡囡嘅感覺，希望自己可以喺地球上生存耐啲，每一刻都陪伴佢。我拍住佢個肚仔，呢首歌嘅旋律就湧現腦海。」

MV中，嘉欣與老公及一對仔女難得一同出鏡，雖然Kelly和Jared不太懂得拍攝MV是甚麼一回事，兩位小朋友當日表現乖巧，所以拍攝非常順利。Kelly對新歌原來非常熟悉，因為嘉欣在家中經常播放這首歌，所以在拍攝當日播放歌曲的時候，她也一起跟着唱，認真可愛。

撰文︰倪小珊

編輯︰李潔盈

美術︰梁政敏