鄭秀文(Sammi)近日為咗準備7月嘅《FOLLOW Mi鄭秀文世界巡迴演唱會》, 不斷健身練氣之餘, 仲搏命練歌又排舞。雖然佢已經攰到連坐低都瞓得著, 但Sammi仍然繼續操練, 仲會講啲勵志說話鼓勵番自己, 真係充滿正能量！而Sammi新歌兼今次演唱會嘅主題曲《我們都是這樣長大的》前日正式喺各大平台上架後無幾耐，已經吸引咗唔少網民拍片翻唱，亦有好多藝人都一齊參與，支持Sammi。
其實自從4月發生「安心偷食」事件後，Sammi沈澱完短短幾日之後，就將情緒拿開，並在社交平台表示會積極投入演唱會的準備和排練工作上，見她不時上載健身和排舞的相片，而且一改以往作風，為了健康而日日食飯，似乎覺得今次演唱會再不容有失，不想再發生上次失聲的慘痛經歷，所以她事事都非常認真。今次推出《我們都是這樣長大的》的歌曲，歌詞非常有意思，似乎是Sammi的自我鼓勵和打氣，歌詞中有一句：「塵世內，誰無畏懼，誰無心碎，誰無唏噓，年年適應年年老去，而智慧是沈澱精髓，連連跨過，挫折後驀然回首，可說一生的歷史，怎會了無生趣。」
(鄭秀文ig@sammi_chengsauman )
(鄭秀文健身練氣，為演唱會做好準備，IG@sammi_chengsauman )
(以前瘦削嘅Sammi VS 現在肌肉缐條嘅Sammi, IG@sammi_chengsauman)
Sammi粉絲年齡層極廣 有齊不同國界人士
Sammi唱功了得就係人都知, 但原來佢啲粉絲嘅唱功都好高質。Sammi昨日(27日)開放咗自己嘅個人ig一日, 分享粉絲翻唱佢新歌嘅影片。呢個活動反應非常好, 有唔同國藉嘅網民參與, 分別有來自馬來西亞、泰國、中國、星加坡、澳門、溫哥華及香港等。參加者嘅年齡層都好廣泛，男女老少都有齊。其中，有一位婆婆雖然未能清晰唱到一句完整歌詞，但好多網民都覺得婆婆已經好叻：「婆婆好厲害！」、「嘩！婆婆不得了」、「好感動呀」。
(Sammi嘅粉絲男女老少都有齊, IG@sammi_chengsauman )
(Sammi新歌連婆婆都要唱, IG@sammi_chengsauman )
群星響應翻唱活動 祝福Sammi演唱會順利
Sammi喺ig搞嘅翻唱活動，除咗吸引到好多粉絲參與外，亦有唔少藝人都齊齊響應活動，分別有鄭融、何遠東、莊思明及黃建東等，Sammi搞笑稱呼鄭融做鄭秀融，將兩人的名字二合為一，非常搞笑，而最令人感動嘅，就係連去咗韓國嘅另一位天后容祖兒，都不忘要拍片支持Sammi。祖兒表示：「我又一齊唱，因為#我們都是這樣長大的，祝親愛的Sammi演唱會勁成功」。祖兒超高質版本，令網民都聽出耳油，個個大讚！影片播出無耐，已經有過萬瀏覽率。蔡卓妍聽完都話：「好好聽呀！！！！我要吸油紙」。
容祖兒《我們都是這樣長大的》高質翻唱版本：https://www.instagram.com/p/BzNqPmNAfxU/
（容祖兒ig@yungchoyee）
（容祖兒片尾不忘畀心Sammi, IG@yungchoyee）