近日娛圈壞消息連連，繼尋日早上韓國嘅「雙宋」（宋仲基與宋慧喬）宣布離婚之後，李晨同范冰冰亦喺傍晚時分分別喺各自嘅微博宣布分手！
（網上圖片）
「晨冰」拍拖四年，於2015年公開戀情後不時放閃，就算范冰冰捲入逃稅風波，李晨依然力撐女友，更在女友被中國稅務總局罰款8.4億人仔後，公開在微博表示：「甭管多難，咱們一起渡過去。」可惜二人最終未能共患難到老，冰冰今日突然發文宣布分手：
「人的一生可能會經歷各種告别，感謝一路走來你所有的給予，支持和愛。我們不再是我們，我們依然是我們。」
李晨隨後轉發：
「從朋友到愛人，再做回朋友，情感的形式會變，但你我之間最純粹的感受不會變，彼此的信任與支持是永恒的。我們不再是我們，我們依然是我們。」
未幾，范冰冰微博頭像由昔日「情侶卡通Profile Pic」，改換成個人照片，此情不再。
（范冰冰微博）
分手幾個月突然公布有原因
據消息人士指，二人已分手幾個月，一直打算等冰冰嘅逃稅風波冷卻先公布。直到尋日，「雙宋」宣布分手，他們希望焦點唔好淨係落喺佢哋身上，所以先選擇尋日宣布分手，所以今次嘅分手書，其實早已預備好！
原來唔係咁橋。 (網上圖片)
共度患難卻未能同諧白首
其實娛圈中有唔少對未能走到最後嘅情侶都曾經共過患難，當中有啲仲係識於微時同拍咗好多年拖，大家都睇好佢哋可以白頭到老，所以佢哋宣布分手嘅時候，大家都跌晒眼鏡。
趙頌茹與周永恒
趙頌茹曾爆童年被親戚性侵3年之久，當時喺老公周永恒陪伴下坦白受辱經過。另外，當年二人結婚冇耐之後周永恒發現自己有腦瘤，不過二人都喺互相扶持下一一捱過。可惜2014年爆出周永恒偷嗒經理人Ruby兼家暴，最後二人不歡而散。
左起：Ruby、周永恒與趙頌茹（網上圖片）
Selina與張承中
2010年Selina的前夫張承中5月演唱會上求婚成功，二人同年9月訂婚。不過一個月後，Selina因為喺大陸拍劇時因意外發生爆炸，全身54%灼傷，瞓醫院足足三個月，當時阿中日日去醫院探視陪伴。Selina中間曾提退婚，但阿中兩度拒絕，阿中嘅不離不棄成為當年佳話。2011年， 二人成婚，並由台灣總統馬英九證婚。
可惜，Selina2016年喺臉書宣布同阿中離婚，佢自責自己「沒做好賢妻角色」，並表示「當夫妻的我們真的不快樂」，「我們已經失去了愛情，但是不想連親情、友情都失去」。
張承中Facebook
方力申與鄧麗欣
方力申與鄧麗欣識於微時，二人拍拖十年仲一齊因為拍落多套愛情片而愈嚟愈紅。但2016年喺無第三者介入情況下二人突然宣布分手，大家睇到呢對金童玉女分開都覺得好可惜！二人事後多次喺公開場合講起對方都忍唔住落淚，睇到人心都痛埋。
(東星娛樂)
此情不再。(東星娛樂)
黃宗澤與胡杏兒
胡杏兒與黃宗澤04年因為合作拍《我的野蠻奶奶》撻着，直至2012年分手，雖然中途黃宗澤多次傳出軌，但拍拖8年人前人後都非常恩愛。
(東星娛樂)
(東星娛樂)
張栢芝與謝霆鋒
張栢芝與謝霆鋒初出道時因為拍老夫子相識，二人糾纏多年，張栢芝與謝霆鋒2006年於菲律賓閃婚，但2008年年初爆出艷照事件，大家都估佢哋會離婚，但最後謝霆鋒打破沉默力撐老婆，話自己知道張栢芝係一個咩人，仲話會同張栢芝一齊共同維持呢個家庭。不過2011年二人都係話因性格不合而共同決定離婚。
(東星娛樂)
(東星娛樂)