【聲明】港生活網站並無進行電話推廣活動

香港迪士尼多重活動 賀唐老鴨85歲生日

發佈時間: 2019/06/28

黛安細細個就睇迪士尼動畫長大,最鍾意嘅角色莫過於着水手裝嘅唐老鴨。

原來今年係唐老鴨誕生85周年,黛安知道香港迪士尼就為唐老鴨生日搞咗唔少慶祝活動。

好似樂園內全新裝修嘅皇室宴會廳,由頭盤至甜品,推出咗多款造型美食,包括米奇造型薄餅、公主主題甜品同埋米奇珍珠杏仁茶等,甜品個樣咁吸引,相信迪士尼「粉絲」一定會去「打卡」,喺fb同朋友分享啦。

另一個自助晚餐亮點仲有全新嘅「Kid's corner」,專為小朋友而準備嘅精選食品,除咗有三眼仔薄餅、迷你炸熱狗,仲有繽紛棉花糖同迪士尼曲奇呀。

由下個月19日至9月29日,逢星期五至日,只要港幣$288就可享用「皇室宴會廳自助晚餐」,另加一服務費,如果透過網上預訂,仲有9折優惠。另外,若果喺社交平台hashtag #HKDisneyland、#HKDisneyDining、#RoyalBanquetHall分享相片或影片,即可買一送一優惠,享用「Mickey或Minnie Sip Sip」特色飲品連主題杯。訂座及查詢詳情,可致電3550 3388。黛安已book咗日子約姊妹去同唐老鴨慶祝生日喇。

撰文: 黛安 消息特靈八卦公關
欄名: 八卦名利場