囡囡英文叻 Gigi多講故事教廣東話

梁詠琪（Gigi）昨日到商台宣傳新歌《再見灰姑娘》，她透露四歲女兒Sofia亦懂得哼這首歌，不過Sofia咬字未清晰，故暫時不打算母女檔合唱。

Gigi表示Sofia經常在家聽她這首新歌︰「佢識唱，但咬字唔清楚。佢又好鍾意自己作詞，將想講嘅說話套落首歌上，用唱歌方式講出來。（囡囡識唱廣東歌？）佢英文叻啲，可能容易發音，唔好話佢，我老公嚟咗香港七年都未識講廣東話啦，佢出世只有四年啫。依家夜晚講故事書，佢最鍾意嘅古仔，我用中文講，等佢多啲聽中文。」

問到可有想過母女檔合唱？Gigi表示要等女兒大一點才考慮，她笑言︰「依家同佢入錄音室係嘥時間，佢未知發生咩事，咬字又唔清楚。我有睇鄭中基演唱會，佢同女兒合唱好溫馨。」

戥「雙宋」離婚可惜

提到宋仲基和宋慧喬宣布離婚，Gigi坦言感到很可惜，她表示︰「兩個咁襯，又有事業，我覺得宋仲基個聲明講得好好，有好多私人事無法透露，作為Fans係感到可惜，應該畀佢哋空間行過呢一步。」

撰文︰倪小珊

編輯︰黃卉彤

美術：梁政敏