有「得閒修女」之稱的劉小慧琴晚又開直播喇！今次佢除咗介紹一支天然無害嘅殺蟲劑外，仲教大家點樣可以紓緩腰痛同頸痛嘅問題，大受歡迎，不少粉絲都話即刻試試，希望可以紓緩到身體不適。
劉小慧再次開Live同大家分享生活小百科。（圖片：劉小慧Facebook截圖）
香港人生活環境擠迫，學業和工作繁重，連運動都不夠時間去做，經常坐或長期站立，經常都會發生腰酸背痛的情況，有時動作太快又會扭親，肌肉分分鐘一痛就痛幾日。而近年大家長期都對住手機，搭車、行路都做「低頭族」，令頸椎承受沉重的壓力，經常都會頸痛。一向有研究中醫學的小慧表示不敢講太多理論，因為自己不是中醫師，但某些簡單小動作，希望可以分享給大家，一齊紓緩身體的不適。
就腰痛而言，小慧拿起一支筆，打直篤落眉心位，她表示：「如果你右腰痛，就用支筆按落左邊眉心位置，再打圈按摩；如果你左腰痛，就按落右邊眉心，如果大家有腰痛的問題，一按落去就會好酸痛，有唔舒服就按一按，特別是大家有時唔小心閃到腰扭親，按呢個位置最快見到功效。」小編試過，酸痛到爆炸，大家不妨試試！
用筆篤住眉心簡單按摩，就可以減輕腰痛負擔。（圖片：劉小慧Facebook截圖）
小慧話唔用筆都可以，可利用手指關節位置按壓。（圖片：劉小慧Facebook截圖）
至於她早前都有教過大家，用簡單的刮沙動作就可以紓緩頸痛，她表示先用香薰油或按摩油塗在手前臀位置，再用刮沙棒或者簡單得如筷子，打橫在尾指方向的手腕位置，向手肘方向推，多推幾下就會慢慢出現紅點，也代表頸部的勞累，兩隻手輪流做以上的動作，就能夠減輕頸痛的情況。
頸肩痛是香港人的一般都市病。（圖片：劉小慧Facebook截圖）
小慧表示只要用工具順方向刮，就會可以解決肩頸膊痛的問題。（圖片：劉小慧Facebook截圖）
小慧用筆示範，
完整片段請參考：https://www.facebook.com/winnielau0724/videos/284781122329215/