【85歲硬漢不言休】譚炳文死過翻生行動不便 孝順女為父尋名醫治骨刺

85歲譚炳文是香港「配音界翹楚」，不少電台、電影、廣告播音員，包括為動畫人物叮噹配足三十二年的林保全都隨他學習成名，七、八十年代，不少廣告或政府宣傳短片，均由譚炳文聲演。

{{hket:inline-image name="4e59a5e151696b107bf4d7a228ca8dd0078ef0be.jpg"}}{{/hket:inline-image}}

（MyTV SUPER截圖）

錄過最後悔嘅一條聲宣傳片

原來譚炳文一度後悔接下當中一次政府的工作說：「當年配咗好多政府宣傳片同香煙廣告，最後悔係接咗尤伯連納嘅反吸煙宣傳片，所有香煙廣告即停，廣告商話我叫人唔好食煙，所以要換人！好彩後來都禁晒香煙廣告，唔係就喊得一句句。」

{{hket:inline-image name="4.jpg"}}{{/hket:inline-image}}

尤伯連納（網上圖片）

 硬漢多災多難

83歲「配音王子」譚炳文心臟曾經發現心臟兩條血管完全閉塞，要做搭橋手術保命，更需裝上心臟起搏器，前年又因為嚴重感冒，氣喘送院。8月更於電視城內不慎跌親「仆崩鼻」，撞傷下巴，當時電視城內的工作人員急召救護車將炳哥送院。去年底又因尾龍骨生骨刺，出入要用拐杖，認真多災多難！雖然譚炳文行動不便，但仍會由工人陪同到電視城返工，雖然每月收入近七成花喺交通費上，但就換嚟精神上嘅寄託。

{{hket:inline-image name="TUNGSTAR5835222.jpg"}}{{/hket:inline-image}}

東星娛樂

「喺屋企對住四幅牆做咩？」

接近83歲的譚炳文揚言自己從沒想過「退休」兩個字，他說：「我工作慣咗，喺屋企對住四幅牆做咩？返TVB配音，可過日辰，又可以同年青人傾偈，行路搭車，又可以當做運動，喺屋企好悶嘅。」但談及同期出道的朋友，甚至有些後輩也相繼離開這世界，譚炳文慨嘆：「佢哋離開我當然覺得傷感，呂啟文、何雪影等，而林保全都係我帶佢出身，帶佢跟我配電影，可惜都離開咗。」

{{hket:inline-image name="TUNGSTAR5381347.jpg"}}{{/hket:inline-image}}

東星娛樂

譚淑瑩為父尋名醫

譚炳文每兩個半月覆一次診，暫時冇咩事，幸好佢有一個同樣係藝人嘅孝順女譚淑瑩：「不過有事就走㗎喇，鬼叫有心臟病咩，我睇得好開，阿女都有陪我。」談到行動不便，他透露腰部有問題，神經線被軟骨壓住：「腳冇力，行得唔好，會痛同扯住。可以做手術嘅，但係有危險性，有事會癱甚至死，我都80幾歲，做嚟做乜吖。依家做物理治療，希望情況唔好差落去。」他表示試過很多醫療方法但沒有效用，覺得後生才有用。，阿女為咗譚炳文尾龍骨嘅問題訪尋名醫，希望可以有獨到的手法，改善父親嘅尾龍骨同行動不便問題，令父親走動時會舒服啲。

{{hket:inline-image name="TUNGSTAR5381872.jpg"}}{{/hket:inline-image}}

東星娛樂