《2019香港小姐競選》首輪面試日前舉行，大會從初選139位參加者中篩選出49位佳麗，今日舉行複選。首輪面試較為「騎呢」嘅佳麗已經全被篩走一個不留，而多位被大家追捧為大熱佳麗都順利入圍，其中包括蔡嘉欣、黃嘉雯（Carmaney）、楊詠彤Katy、馮盈盈師姐楊慧敏Mina、王菲、范莎莎等。
佳麗個個都戰鬥格「上場」，低胸、露肩曬腿樣樣齊。高妹楊詠彤穿上白色連身裙勁有仙氣。楊詠彤話自己偏瘦，但仍對自己著泳裝有信心。本身係模特兒嘅佢表示同前公司已經解約，依家係自由身。
梁敏儀被問首輪面試好似唔見佢？佢就寸嘴答記者：「我上次唔嚟，今次點嚟呀？」好有霸氣！之後於電視城再被問同一個問題時，態度180度轉變：「可能上次比較樸素。」
陳熙蕊（Blossom）
蔡嘉欣（Kayan）
吳玥彤（Carley）
吳玥彤（Carley）、蔡嘉欣（Kayan）同陳熙蕊（Blossom）都着咗白色荷葉邊單肩連身裙參加複選，唔講仲以為係大會制服，Cayley就話自己着嘅質料唔同；Blossom就話自己着款式係唔一樣。而上次被踢爆着淘寶嘅「話題王」Kayan話今日嘅服飾唔係淘寶入手，而係喺一間外國網店買。講到有傳凡有紋身者一律被foul，而她卻被網民踢爆佢大腿外側有紋身，佢冇正面回應點解依然入圍，只係如果佢有幸入圍着泳衣時大家就要多多留意。
而具國際性選美經驗，曾在「全球貴族美后」賽事中勇奪冠軍的彭美詩，表現淡定。佢表示依家係自由身，不過仲有廣告出緊街，所以要申報番之前嘅工作。
楊慧敏Mina
黃嘉雯
馮盈盈朋友黃嘉雯同「師姐」楊慧敏Mina一同穿上紅色裙到場，相當搶眼。問到黃嘉雯被發現又叫湯洛晴，佢解釋「湯洛晴」係藝名。楊慧敏則被爆有「公主病」，佢就話係美麗嘅誤會。
「大眼妹」蘇梓堯穿上黑色低胸貼身裙，而佢社交平台上有不少靚相，佢話只係生活相，無做開模特兒。
21歲的陳心儀，現職空姐，見她面上張滿粒粒，她說因工作原因，前排有一點敏感，知道皮膚需要改善。而其社交網站亦不乏泳衣相，可見她上圍相當豐滿。問她上圍可有D Cup？她尷尬說：「差不多，對穿泳衣都有信心。」
中英混血兒梁靖嵐很興奮能進入複試，談到被發現其社交網站有不少性感、野性相，佢話認為香港人有自己嘅自由，唔怕影響參選。
不少佳麗有幕前經驗，蘆雨婷曾擔任鳳凰衛視主持，被指下巴唔天然，佢笑言係天生嘅，之後仲親手驗明「真貨」。
王菲的社交網站則有她拍過廣告同娛樂圈相關的工作相片，她自言有較多幕前經驗，這方面會優勝少少。見佢身形偏瘦，她透露現時體重只有44kg，BMI太低。
許嘉玉被起底喺大陸開實體店賣波鞋。佢表示唔介意被起底，話之前喺TVB做過綜藝節目writer，佢話唔覺有著數，大家平等。
范莎莎
「翻叮一族」的范莎莎和「章子怡師妹」姚羽嘉（Nicole）都殺入港姐複試。范莎莎笑言已第三次second in：「第一次面試時有些女仔有留意我不是第一次選，所以都活躍問我問題，我都好樂意同大家分享經歷。」范莎莎自認都比較豁達，唔怕第三次參選可能會被記者寫衰。不過如果今次都唔得，就唔會有第四次了。講到其社交網站有不少周遊列國的相片，她表示上年參選時剛剛畢業，所以有時間周圍旅行，現時在旅遊局工作。
姚羽嘉（Nicole）
有去年參選經驗的姚羽嘉，自言有信心。佢話都是最近先積極準備去減肥。相比去年參選時表現奔放，但今年較含蓄，說話又簡短。姚羽嘉自言成熟咗，冇咩策略，可能有啲緊張。又話自己早前已於北京舞蹈學院畢業。
19歲就讀於美國喬治華盛頓大學的黃雍祺，算是高學歷中有得留低的一個。談到上次有媽咪陪同來面試，今次無會否緊張？她直言大個女了，要獨立，所以自己嚟。
(圖片來源: 東星娛樂)