《愛回家之開心速遞》入面最受歡迎的熒幕情侶之一絕對是大小姐(林淑敏飾)和送水輝(許家傑飾),不過劇情講到大小姐獲爸爸大龍生(羅樂林飾)安排政治婚姻,要求她下嫁「商心小棧」集團的「被虐狂」Jacky(黎振燁飾),並已經確定婚期是今年的9月9日。送水輝為了追上接龍集團的地位,之前不停做外快賺錢開酒吧,希望成為老闆,可以跟大小姐拉近距離,後來患上絕症的司徒獨孤明珠(馬蹄露飾)主動邀請,希望用她在公司所持的最大股份,交換他的精子做人工受孕,以求生育下一代圓夢。
點算?9月9日就係婚期,到底9月之前輝輝可唔可以搶返小蓮返嚟呢?(圖片:許家傑IG)
獨孤明珠對輝輝嘅精子虎視眈眈。(圖片:《愛回家之開心速遞》電視截圖)
家傑接受《晴報》專訪時表示:「其實我可以話畀大家聽已經拍緊,絕對係可歌可泣,驚天地泣鬼神嘅劇情,我不敢劇透,劇透會死全家,希望大家會睇得好過癮啦!今年4月份,我同大小姐的『初戀套餐』一周年,亦即係『蓮輝CP』嘅一周年,大家要多多留意。」
呢單三角關係,最後會搞成點呢?(圖片:許家傑IG)
送水輝定商良?許家傑定黎振燁?你揀啦!(圖片:許家傑IG)
送水輝同大小姐已經是公認是熒幕情侶。(圖片:許家傑IG)
每次大小姐見到Jacky都會激到反白眼。(圖片:《愛回家之開心速遞》電視截圖)
家傑表示多謝大家支持「蓮輝CP」,總是給予觀眾有種童話的感覺,給大家正能量,提到上次單集收視的七天跨平台收視達30.9點,家傑謙稱是大家的功勞,希望繼續努力,將收視逐步推高,他說:「網民給我們的反應,全部都收到,依家同大家感覺好似一家人,繼續陪住大家食飯。」為了答謝大家,家傑同淑敏將會合辦紛絲見面會,他說:「知道好多人想同我哋傾偈,分享一吓對《愛回家》劇情發展嘅意見,希望藉此知佢哋想法再話返畀監製知,可能會順應民意都唔出奇。」
佢哋準備好搞粉絲見面會,大家準備好未?(圖片:許家傑IG)