俗語有云「小時偷針,大時偷金」,教懂小朋友分辨是非黑白,絕對是父母重要的責任。一名任職售貨員的網民近日在店內發現一名小學生行竊,惟對方否認更稱「會再返嚟畀錢」。其母接獲通知後前來了解事件經過,卻不斷表示「唔係㗎」,一直以各種藉口袒護兒子沒有行竊。對此,店員大感無奈:「祝依個小朋友以後唔好行差踏錯!」
小學生:會再返嚟畀錢
該店員化名「可以由黑變白白嘅港媽」向Facebook群組「西客之道 Hispitality Secret」投稿,指近日在店內發現一名小學生行竊後,遂向對方索取家長電話,惟對方卻稱「我冇佢哋電話號碼」。當店員稱要報警時,小學生竟將貨品「攝曬入件衫入面」後,表示:「我冇偷嘢㗎,我只不過攞咗你啲嘢走,跟著會再返來畀錢。」
港媽死撐兒子沒行竊
店員有見及此,遂堅稱要報警或致電其校處理;小學生聽到後,立即遮擋校服上的校徽。其後,店員看清楚校徽後致電學校老師,期間小學生「靜雞雞」偷偷離開。約1小時後,該名小學生在其母陪同下返回店內;店員將閉路電視片段予其母觀看,但對方竟繼續「死撐」兒子沒有行竊:
「冇理由㗎,我今日畀咗錢佢買嘢,佢有錢點會偷嘢?」
對此,店員無奈指出,其子將貨品放入衣服及褲內,「好簡單一個人買嘢,會唔會攝晒啲嘢喺條褲同件衣服入面離開?」然而,該名母親卻開始不斷找藉口:
「唔係㗎,由細到大都有睇住佢,而且佢唔識同人相處,佢有個xxxx病,學校都知,而佢亦都講咗佢唔知自己做過咩,但佢有錢係身唔會偷竊㗎。」
「唔係㗎,因為我唔知發生咩事,所以我落嚟了解返,但我小朋友真係唔會咁做。」
「唔係㗎,可能佢諗住去完買嘢食,再返來畀錢呢,佢又唔係冇錢?」
「唔係㗎,佢應該想去M記買完嘢,再返來畀錢㗎。」
「唔係㗎,我諗住帶佢過來了解返件事情,跟著同你道歉。」
「唔係㗎,唔係㗎,我信佢唔會做依啲嘢。」
店員:日後真係不敢想像
店員聽罷詢問該名母親,為何有片作證,但仍不斷以藉口來掩飾兒子行為,「你帶個小朋友落嚟要了解件事情,但係咁講唔係㗎、唔係㗎,你覺得幫到個小朋友?」最後,他「講到已經唔想再講」,遂拋下一句「你畀返錢就走啦」來了事,但小朋友一直未有道歉。在文末,他又無奈地稱:
「問心,你落嚟講句對唔住,我就已經算數,但落嚟講到係誤會佢小朋友偷嘢就真係......唔識講。祝依個小朋友以後唔好行差踏錯,而依個媽咪假如繼續咁教個小朋友,日後真係不敢想像!」
網民:唔識教就唔好生
此事引來大批網民熱議,不少人認為該名母親「害死個仔」,亦認為樓主應該報警,「唔識教就唔好生!唔好大教壞細!成年人外表細路仔嘅思想!」、「慈母多敗兒」、「斷正都要死撐,真係好肉酸」、「其實洗乜解釋咁多,佢嘅行為已經係偷嘢,動機原因叫佢同差佬解釋啦,報咗警先」、「呢個家長唔識教細路,等佢上法庭,嚇一嚇佢先會驚」。另有網民認為,鑑於現時有不少怪獸家長,完全不懂「教仔」,「強烈要求政府立法生仔要考牌!」
-
陳建州胞妹擠暗瘡致蜂窩性組織炎 險引發敗血症:這是一場災難 |
|
-
王丹妮多明尼加拍劇封口不透露內容 自製曲奇餅贈Gina Alice |
|
-
-
飲食攻略丨逆轉血管硬化捱夜三高人士必食 營養師推介8大天然食物助補充精胺酸 |
|
-
KO濕疹︱45歲婦手背嚴重濕疹似炸豬扒 用類固醇惡化劇痛難眠中醫治療半年近乎復常 |
|
-
淡季報錯團丨ViuTV旅遊節目內容被指虐待動物 陳子豐膠桶笠羊網民插:成班童黨 |
|
-
保單逆按自製長糧 | 充裕退休儲備 + 保障家人GET!(附個案說明) |
|
-
-
-
胸悶、頭脹、手腳麻痺?黃祥興不靠藥物 1個月拆走血管炸彈 重拾醒神健康 |
|
-
私密處痕癢、灼痛、異味來襲 Grace教路:每日1粒解決「私密」問題 |
|
-
-
唔止面黃 生痘痘 長期攰都可能肝損傷 黃祥興逆轉肝機能 慶幸及早護肝 |
|
-
您也可能喜歡...
-
KO濕疹︱45歲婦手背嚴重濕疹似炸豬扒 用類固醇惡化劇痛難眠中醫治療半年近乎復常
|
-
腳臭困擾︱試盡偏方求醫仍無果 大學女神曾患一病致嚴重腳臭嘆:沒救了
|
-
洗衣機|5大洗衫壞習慣 衣物越洗越污糟 洗衣專家:只用「快洗」大錯特錯
|
-
生死教育︱港產女設計師不敵血癌 臨終前用筆素描醫護眾生相 走過最後人生路
|
-
KO體臭︱内地女驚訝港人有「特殊體味」 網民競猜氣味由來:用咗呢樣嘢!
|
-
臭屁蟲高峰期|臭屁蟲大埔粉嶺東涌湧現 暗藏褲袋產卵 醫生警告勿弄穿3招處理
|
-
食用安全︱自助餐中伏位注意 行内人揭2款食物不會碰:飽肚佔胃品質差
|
-
飲食攻略︱多吃4類食物增肝腎排毒功能 醫生教5招養成防毒體質
|
小學生偷竊港媽狂畀藉口袒護 店員:祝佢以後唔好行差踏錯 - 晴報 - 時事 - 要聞 - D190708
熱話; 怪獸家長; 小學; 售貨員
小學生偷竊港媽狂畀藉口袒護 店員:祝佢以後唔好行差踏錯 - 晴報 - 時事 - 要聞
俗語有云「小時偷針,大時偷金」,教懂小朋友分辨是非黑白,絕對是父母重要的責任。一名任職售貨員的網民近日在店內發現一名小學生行竊,惟對方否認更稱「會再返嚟畀錢」。其母接獲通知後前來了解事件經過,卻不斷表
https%3A%2F%2Fskypost.hk%2Farticle%2F2394586%2F%E5%B0%8F%E5%AD%B8%E7%94%9F%E5%81%B7%E7%AB%8A%E6%B8%AF%E5%AA%BD%E7%8B%82%E7%95%80%E8%97%89%E5%8F%A3%E8%A2%92%E8%AD%B7%E3%80%80%E5%BA%97%E5%93%A1%EF%BC%9A%E7%A5%9D%E4%BD%A2%E4%BB%A5%E5%BE%8C%E5%94%94%E5%A5%BD%E8%A1%8C%E5%B7%AE%E8%B8%8F%E9%8C%AF
https://skypost.hk/article/2394586/小學生偷竊港媽狂畀藉口袒護-店員-祝佢以後唔好行差踏錯
https://resource01-proxy.ulifestyle.com.hk/res/v3/image/content/2390000/2394586/mo08072019_1024.jpeg
https://resource01-proxy.ulifestyle.com.hk/res/v3/image/content/2390000/2394586/
時事
要聞
503
2394586
514
503001001
時事 要聞
網絡熱話,怪獸家長,小學,售貨員,Facebook群組
時事,網絡文化,網絡熱話,教育,教育議題,怪獸家長,教育,辦學機構,小學,實體詞,工種,售貨員,實體詞,網上討論區,Facebook群組
熱話,怪獸家長,小學,售貨員
2019-07-08
小學生偷竊港媽狂畀藉口袒護-店員-祝佢以後唔好行差踏錯