【白色強人】馬國明認與黃心穎分手 轉投唐詩詠？ 開直播超甜互動閃盲網民

「安心事件」發生至今已有3個月，鄭秀文與許志安兩公婆已經冰釋前嫌，至於早就飛往美國深造的黃心穎就被傳出狂致電馬國明哭崩請求復合，更有消息指馬國明心軟向TVB請了1個月大假去當地陪她。對此傳聞馬國明既沒有否認又沒有承認，但去到近日馬國明突然同黃心穎劃清界線，指二人由始至終都是朋友，暗示已經分手。另一邊廂，馬國明因為《白色強人》與唐詩詠飾演夫婦而傳出緋聞，事關無論劇中還是現實二人一樣曖昧，直播更有甜蜜互動，睇到網民話：「襯到絕 最真心的一對」！

{{hket:inline-image name="11.jpg"}}{{/hket:inline-image}}

(TVB電視截圖)

{{hket:inline-image name="12.jpg"}}{{/hket:inline-image}}

(TVB電視截圖)

終認同心穎分手 man爆開腔護花：係朋友

黃心穎因為背著男朋友馬國明偷食人夫，終被千夫所指，要即時停工兼避走美國，事件後馬國明man爆開腔維護黃心穎。雖然沒有再戴上與黃心穎的名牌情侶戒指，但就一直避談是否分手。直至近日馬國明終於接受其他傳媒訪問，開腔詳談「安心事件」。他澄清沒有過美國找黃心穎，與她由始至終都只是朋友，一路了解中。即使發生這件大事，馬國明的確有生氣過一段短時間，惟他們如今仍保持朋友關係，間接承認二人分手：「我係擔心多過嬲，依家都係，唔係好大衝擊。」馬國明又話，黃心穎並非殺父仇人，不介意日後會合作。

關於黃心穎有沒有聯絡自己、在哪兒都等現況問題，馬國明都一一拒絕透露，又求網民給她1次機會，因為事件已經過去，而且她已經知錯、後悔：「過咗去啦件事，我見到有啲網民都繼續攻擊佢，我希望大家唔好咁過敏、咁激動，有邊個冇犯過錯。感情事係幾個人嘅事，又好難分對與錯，大家唔使咁大反應去攻擊佢，都冇必要就呢件事啄住。」，處處維護舊愛，有情有義。提到現時感情狀況，馬國明就話過得幾好，媽媽從來沒有催婚，亦尊重其選擇。

{{hket:inline-image name="13.jpg"}}{{/hket:inline-image}}

(TVB電視截圖)

與唐詩詠開直播超甜互動 難道是真撻著？

雖然同黃心穎分手，不過馬國明近日就同契妹唐詩詠因為劇集宣傳而常常見面。最近二人就因為劇中復合的橋段而開直播，唐詩詠讚馬國明時說：「係唔係好靚仔呢！你睇佢今日個頭幾靚！」，馬國明欣然接受讚賞：「係呀！」。接著唐詩詠問馬國明：「你覺得好唔好呀？」，他馬上甜笑，與唐詩詠你一言我一語，感情好好：「梗係好啦（咩好呀？梗係我做得好啦係咪呀？）係，梗係啦，唐詩詠梗係做得好啦！」，搞到唐詩詠勁開心。結果網民紛紛留言指被他們閃盲：「期待有機會稱阿nat為馬太」、「結婚啦！」，甚至指馬國明最好的已在身邊（唐詩詠），想撮合他們。

聽到大家的訴求，唐詩詠特意同馬國明講：「約我啦咁！都要有人約先得」，馬國明即指她很難約很忙，但笑言：「佢不嬲係好嘅，係好女仔。」，又笑言現實中若如劇中有2位（李佳芯、唐詩詠）如此完美的女生讓他選擇，他也不懂如何抉擇，是幸福的苦惱。不過其實二人已因拍攝《鐵馬尋橋》認識10年，要撻著早就撻著，唐詩詠還大爆收了不少朋友的信息：「呢套劇集專為馬明而設，幫佢招親，因為好多人都Send佢朋友嘅單身女仔朋友資料畀我，話畀馬明睇吓，我使唔使幫手篩選一吓。」

{{hket:inline-image name="111.jpg"}}{{/hket:inline-image}}

(直播截圖)

{{hket:youtube id="3TZrSoyWvr8"}}{{/hket:youtube}}