近日深夜時間熱播嘅經典電視劇烈火雄心勾起咗唔少觀眾嘅集體回憶，仲見到一啲好耐冇出現過喺電視機前嘅面孔。
喺劇中飾演飛鳳嘅陳少霞，兩年前再婚嫁擁8億身家的61歲「法拉利之父」李文輝，榮升闊太嘅佢上年12月傳出喜訊，與前夫育有兩女嘅佢以42歲之齡佗第三胎，預計今個月就會「卸貨」！
（東星娛樂）
努力造人兩年
陳少霞當年與前夫育有兩女，先後經歷離婚兼前夫離世，後來返教會尋求心靈慰藉時遇上李文輝，二人於2016年結婚，婚後積極睇中醫調理身體，同時不設防努力造人，差唔多每個月都出埠Relax，當時陳少霞受訪亦開到口恨生B：「如果有就好感恩！」
（陳少霞微博）
（東星娛樂）
少年得志
陳少霞93年投身娛樂圈，當時年僅 16歲的她，拍攝電影處女作《三個夏天》，曾獲提名第13屆香港電影金像獎最佳新演員提名。翌年，陳少霞獲劉德華一手提拔，並羅致旗下電影公司，在電影《天與地》中與恩師合演夫妻。
（網上圖片）
引退嫁人
95年，陳少霞轉戰電視圈跳槽到無綫，先後拍攝十多套劇集，而最令觀眾有深印象的角色，相信是在96年《笑傲江湖》的岳靈珊、97年《狀王宋世傑》嘅袁小燕以及98年《鹿鼎記》嘅雙兒。
（網上圖片）
不過陳少霞喺電視圈嘅發展，未及喺電影圈般出色，喺無綫期間一直冇機會擔正，事業未如理想。00年，陳少霞完成《倚天屠龍記》拍攝後，主動同無綫解約，與澳洲籍華裔富商結婚，並全面退出娛樂圈。
命途波折多
直至06年，陳少霞前夫生意失敗破產之後仲離埋婚，佢為咗養育兩名女兒而復出，但因不獲無綫接納，再經由舊愛唐文龍引薦，轉簽亞洲電視。在亞洲電視期間，陳少霞工作量不多，只拍攝過兩套劇集及主持少量節目，最後低調地離開亞洲電視，及後間中會到內地登台及出席公開活動。2014年前夫離世，陳少霞更要獨力養家。
（網上圖片）
有傳陳少霞閃嫁富商繼而息影，令劉德華相當不滿，與恩師斷絕往來。不過二人相隔十年冇見，大前年3月喺李添勝榮休晚宴上再次碰頭兼破冰selfie，以行動證明兩人冇芥蒂。
苦盡甘來
2015年陳少霞曾經歷小產，令佢收埋自己與外界完全隔絕。又有傳佢曾接受人工受孕，可惜未能成功，令她打消了生BB的念頭。佢話懷孕初期成日反胃作嘔，但去睇醫生佢話係正常嘅，冇反應先唔好。佢仲話第一次去照超聲波時量到血壓偏高，好彩照完話胎兒好健康、一切好好，個心定咗再度血壓就正常番冇事，認真係緊張大師！佢仲話依家已經好咗好多，洋溢住幸福少奶奶嘅氣息呀！
（陳少霞微博）
（網上圖片）