深水埗鴨寮街一棟唐樓的後樓梯、平台慘被垃圾重重包圍，事緣某個單位住了一對奇母女，多年來與垃圾同住，惹來不少曱甴、老鼠影響鄰居，惟少女在一個垃圾堆中悠然生活，而媽媽雖然擁有幾個物業，但以機場為家，沒有住在垃圾屋中。《東張西望》派出主持利穎怡與攝製隊實地拍攝，登門了解。
垃圾屋惹曱甴老鼠 易有火警危及鄰居
望入單位只見到垃圾堆到天花板，差點將神龕也遮擋。不但塞爆櫃，就連縫隙也不放過，有倒轉的膠椅、有用完的膠罐、有被踩扁的奶罐、有縱橫交錯的電線、有一大堆紙皮箱和膠袋等...如果有火警分分鐘全部燒光。為了查探真相利穎怡上門拜訪，但敲了很多次門都沒有人回應。據節目所指，後樓梯的衛生情況很嚴重，除了到處都是果繩，傳出陣陣惡臭，還有一大堆垃圾在門口。打開防煙門所見，整條樓梯都滿布垃圾，如家具電器堆積如山，無法走過去。另外連平台位置都堆積非常多垃圾。雖然大廈張貼了警告字句，不過阻嚇性不大。
(TVB電視截圖)
(TVB電視截圖)
(TVB電視截圖)
(TVB電視截圖)
(TVB電視截圖)
利穎怡訪問街坊，原來個個都認識這對奇母女，並異口同聲聲討她們的行為：「臭呀，唔好話污糟，仲聞到臭味（咁最嚴重係點？有幾多隻老鼠？）哎呀，成日走嚟走去吖！」、「（你有見過有老鼠？）老鼠有，喺出面騎樓！」、「好多垃圾，好多紙箱，堆咗好多嘢佢唔揼，我哋都成日叫佢搬，都唔見佢執」有人就透露，自從少女的外婆過世，其母就性情大變。
(TVB電視截圖)
(TVB電視截圖)
奇母女訴堆垃圾苦衷
節目隊連日來在單位門口守候，去到某日終於有發現。有消息指屋主是一位30多歲在學校做兼職的補習老師，她坐在一堆雜物上，身形明顯瘦削，人看起來並不污糟。雖然被重重垃圾包圍，但她無懼世人眼光，如常生活，還一邊與利穎怡訴苦衷：「（啲雜物喺邊度嚟㗎？）咁我哋依家執嘢囉，我阿媽都未返嚟，我陣間又要返工，我點執啫依家！梗係唔方便㗎啦，但係解決唔到呀嘛！（生活上呀，去廁所、煮飯煮唔煮到呀？）用煲煮㗎！（用飯煲煮飯都煮到嘅？）煮個麵都得嘅...(淨係可以煮個麵咁樣，其他煮嘢就煮唔到喇？）冇用煤氣！（冇用明火？全部用電？）係。」據節目所指，連洗澡的基本動作都做不了，可想裡面的居住環境有多惡劣。
有天衣著乾淨整潔的媽媽帶同飯菜登門探望女兒，敲了幾次門都沒有人應門，節目隊懷疑是門口的雜物堵住了門口。她坦言平時只是坐在門口跟女兒聊天解悶，這些雜物都是自己一手造成，所有物品都是花錢買回來。媽媽：「衫全部係新，買畀個女嗰啲都係我買㗎，佢好辜寒，佢唔買㗎！（咁點解咁多衫又唔擺衣櫃，擺到周地都係呢？）有衣櫃，不過都爆，總言之啲文件係有需要嘅，我先會留低（但擺到咁喎！）早知係咁，我退休嗰陣搬啲嘢返嚟，即時揼晒佢。佢又唔理，自己去買嘢，所以先咁亂！（啲老鼠、細菌整到周圍都係，怕唔怕影響到你哋？）老鼠只係食嘢，食完就走㗎啦（吓，食完就走呀？養到幾大隻？）呢隻嚟完第2隻又嚟，冇可能閂晒窗。」只見老鼠與曱甴屍體、排洩物散落一地，隨時爆發鼠患危機，鄰居是最擔心的一群。
(TVB電視截圖)
(TVB電視截圖)
(TVB電視截圖)
(TVB電視截圖)