引入「鄭裕玲常識問答比賽」 農夫︰幫Do姐搞個人崇拜

鄭裕玲（Do姐）與農夫前晚錄影新一輯《Do姐有問題》，今次節目更加入農夫創作的「Do姐常識問答比賽」，陸永與C君笑言會公開Do姐鮮為人知的趣事。

鄭裕玲與農夫前晚主持第三輯《Do姐有問題》，邀得馬國明、唐詩詠、黃翠如及黃智雯任嘉賓打響頭炮。Do姐表示再度與轉數快的農夫合作非常開心，加上節目在室內錄影，比拍外景舒服得多。

C君笑指今輯節目最有成功感，皆因他與陸永創作的「Do姐常識問答比賽」將在節目中推出︰「Do姐嘅自我係大到可以做個比賽。」陸永說︰「我哋喺個節目度搞多啲個人崇拜。」Do姐笑說︰「農夫諗問題都辛苦，估唔到我以前講嘅拍戲趣事，佢哋仲記得，連『垃圾』都識記嘢！」陸永表示會大爆Do姐未曾公開的秘密︰「Do姐以前拍戲被稱『鄭九組』，佢試過被一位導演困足四日四夜喺廠拍戲。」Do姐開估指該位正是徐克導演。

同場的馬明及唐詩詠最近被網民落力撮合，問詩詠好姊妹黃翠如可願意做兩人的媒人？翠如說︰「佢哋好襯，我知佢哋差啲乜，係差一個約會，一陣收工我約佢哋食飯。」詩詠則搞笑說︰「我知（同馬明）差啲乜，係差啲錢，大家可以搵我哋情侶檔登台或者拍廣告。」

黃智雯未Ready結婚生仔

另外，黃智雯提到「胡說八道會」好友胡杏兒日前誕下第二胎，她表示已探望過杏兒與BB︰「未睇清楚BB似爸爸定媽媽，不過父母有良好基因，一定有保證！」雖然眼見杏兒有兩位可愛兒子，但智雯表示沒有因此而有生仔念頭。

撰文︰Pauline

編輯︰李潔盈

美術︰梁政敏