《白色強人》四眼兇手盧海鷹3分鐘獨白撼動人心 曾打周星馳人人都睇過佢

劇集裡面的茄哩啡雖然不起眼，但有時還好戲過當紅小生花旦。昨晚《白色強人》的槍手徐子高就是好例子，劇中他情緒崩潰講的一大段受盡挫敗的獨白，說出大部分香港打工仔的心聲。不少人都對他的真實身份與背景深感興趣，猜測他是話劇演員，甚至希望他有份陸逐「最佳男配角」。其實他是盧海鷹，早在《少林足球》已經人人見過他演出！

昨晚一集播出後，觀眾都紛紛激讚他比起chok爆的何廣沛（飾演懷德）更加搶鏡，簡直是演技大爆發：「四眼仔嘅獨白先係重點，寫得好好」、「真係要讚吓個四眼仔真心做得超好，仲要solo一大段」、「琴晚睇都覺得佢啲幾好戲，扮得好似，有料到！」。

{{hket:inline-image name="14.jpg"}}{{/hket:inline-image}}

(TVB電視截圖)

壓力爆煲槍傷上司 3分鐘獨白撼動人心

最新2集講到盧海鷹身為營業員卻面對打工仔常見的慘況，包括：外賣餐只得一塊豬扒，咖喱汁極少；要獨自留在公司加班，邊睇《獎門人》邊食宵夜，積怨甚深。最後盧海鷹壓力爆煲，精神失常，開槍打傷上司莫生，還在辦公室脅持其他多名人質。由盧海鷹一開始不斷遭遇不如意事感到憤恨，到殺人發狂奸笑，再到清醒時對自己所作所為很後悔，表達想救上司，又想為上司侮辱自己而進行報復的矛盾：「點解要迫我？我都唔想㗎！你哋幫幫忙吖，莫生唔可以有事㗎，我冇諗過搞到咁大件事...個衰人成日都恰我，食我啲單，冇單嗰個禮拜佢就開口埋口叫我廢柴...啖氣叫我點忍？」，他的表情、動作、語氣都很精準，演技超班。

{{hket:inline-image name="11.jpg"}}{{/hket:inline-image}}

(TVB電視截圖)

{{hket:inline-image name="12.jpg"}}{{/hket:inline-image}}

(TVB電視截圖)

{{hket:inline-image name="13.jpg"}}{{/hket:inline-image}}

(TVB電視截圖)

{{hket:inline-image name="15.jpg"}}{{/hket:inline-image}}

(TVB電視截圖)

何廣沛發現與盧海鷹曾在籃球場有一面之緣，想說服對方放下手槍，可是面對眼前高大靚仔高人工的醫生，盧海鷹忍不住剖白對人生的悲憤：「我做咗19年，依家份人工都唔夠2萬蚊。我只望勤力啲，公司咪畀返回報我囉，但2003年沙士、2008年金融海潚都叫員工共度時艱，前後加埋10年，1毫子人工都冇加。經濟好啲，班老闆就啞晒，冇話加返人工畀我哋，當我哋係義工咋。」因為人工長期沒有加幅，拍拖5年的女朋友分手，他說：「佢話我買層樓嘅本事都冇，我唔食飯，唔使錢，10年都儲唔到首期，幾萬蚊買格階磚，你話，呢個世界係咪黐線㗎？」這幕獨白，完全道盡香港打工仔面對的無奈。

{{hket:inline-image name="17.jpg"}}{{/hket:inline-image}}

(TVB電視截圖)

因李小龍入行演藝圈 見識周星馳的專業

其實現年38歲的盧海鷹是名特約演員，入行原來全因李小龍。事緣他12歲睇完《唐山大兄》李小龍的爆炸力，才知道為甚麼他是天下第1，開始成為其粉絲。一開始學習李小龍踢腿以增強自信心：「我好孱，唔知自己想做乜，但佢令我了解自己，有咗目標。」，之後就開始迷上功夫，到社區中心習武，如側旋子、詠春，最後就想與李小龍一樣，加入影壇，用電影影響其他人：「我想搵人打但又唔夠人打，所以我就諗我要做電影，如果做到影響全世界人的電影就好喇！」直至17歲，盧海鷹把功夫、電影二合一，以《香港仔》一舉贏了IFVA短片大獎。

見到《少林足球》招募演員，20歲的盧海鷹扮李小龍同周星馳，結果入圍，拿着木棍毆落周星馳個頭：「鐵頭功吖嗱！鐵頭功吖嗱！」原來鏡頭背後他打了10幾棍，惟對拍戲極度認真的周星馳就叫他不要留力，覺得痛都面不改容。」加入演藝圈已18年，盧海鷹試過全職做幕後，做過3套戲的副導演、4套戲的製片、6套戲的場記，以及22套戲的演員，包括《9個女仔1隻鬼》、《寒戰》、《拆彈專家》，亦有演出舞台劇，YouTube上仍有拍攝新武打短片，當中不少帶李小龍影子。

{{hket:inline-image name="19.jpg"}}{{/hket:inline-image}}

(電影截圖)

{{hket:inline-image name="20.jpg"}}{{/hket:inline-image}}

(盧海鷹facebook)