戀家愛家嘅巨蟹座代表：張學友
巨蟹座出名愛家又念舊。專一、孝順嘅佢哋會將家人放第一位。只要認定咗對方，就會義無反顧、無條件向對方付出最大嘅愛。非常重情重義！佢哋算係屬於內向嘅一群，好多時都會將心事埋喺心底，習慣自己去面對問題。雖然佢哋唔擅於表達內心，但絕對係一個好好嘅聆聽者同傾訴對象。黏黏膩膩嘅巨蟹老公，彷彿有媽媽嘅味道，佢哋會帶著母性嘅情懷善待自己所愛嘅親人同朋友，對家庭十分依戀，係標準好老公、好爸爸。
(網上圖片)
(網上圖片)
張學友係典型嘅巨蟹好老公、好爸爸。同太太羅美薇相愛33年都絕少同其他女星傳緋聞, 一心向住太太一個。兩人1996年喺英國註冊結婚, 後來仲生咗兩個囡囡。學友喺內地同粉絲互動時曾笑言自己係「妻管嚴」，佢話老婆講咩都係啱，喺屋企入面佢係最冇地位嘅一個。佢同兩個女嘅關係都好好，屋企嘅大小事務都係由佢解決。可能因為學友太錫兩個女女，慢慢開始發現佢哋有「公主病」... 學友自稱係屋企中嘅「工人」, 佢兩個女女經常喺屋企換完衫都會周圍亂掉，都係由學友去幫佢哋執拾, 所以佢兩個囡囡都唔識做家務嘅。雖然學友曾經有教訓過佢哋，但佢哋依然會係咁……佢覺得有呢個結果都係自己自作自受。
後來, 佢為咗想令囡囡獨立，忍痛送佢去英國留學。學友喺接受電台訪問時表示, 就算囡囡過咗英國, 佢都仲會兩邊飛不停照顧囡囡, 真係廿四孝爸爸。佢囡囡最後都因為唔習慣英國嘅生活, 而選擇回港繼續讀書。
穩重型嘅山羊座代表：周杰倫
山羊座係一個有計畫嘅人，較少會憑感覺做事，係實務型嘅星座。佢哋比較固執，未達到目的係唔會就此罷休。十二星座之中，山羊老公係最具有傳統丈夫形象嘅男性，佢哋重視尊卑同自己嘅形象。山羊老公會將自己認為最好嘅嘢，都畀晒身邊最愛、最重要嘅人，佢哋會不求回報咁對伴侶奉獻。
（周杰倫ig@jaychou)
（周杰倫ig@jaychou)
周杰倫同昆凌喺2014年結婚，婚後育有一仔一女，一家四口非常幸福。兩夫妻結咗婚咁耐依然會喺網上高調放閃, 雖然周杰倫日理萬機, 但一有時間就會搵機會陪老婆。有次昆凌要去維也納錄製《奔跑吧！兄弟》，周杰倫居然全程陪同，企喺一邊等佢完成工作。現場嘅工作人員見到都笑威武嘅天王變咗「老婆奴」，儘管如此，甜蜜嘅程度確係羨煞旁人。
莊重正直型嘅金牛座代表：周潤發
金牛座係追求腳踏實地嘅人, 佢哋平實之餘, 個性溫和、莊重正直, 從不會作任何不切實際嘅幻想。凡事深思熟慮，屬於大器晚成型。佢哋有驚人嘅穩定性，一旦下賭注，就要有把握贏。雖然個性好悶, 但對老婆非常細心, 即使婚後有咗BB, 都唔會只將焦點放喺BB身上而忽略老婆嘅感受。金牛老公好有生意頭腦, 而且搵錢能力高又節儉, 婚後都唔使怕會「憂柴憂米」。
(周潤發fanpage)
(周潤發fanpage)
周潤發同陳薈蓮喺1987年結婚，因為老婆係新加坡人，所以佢特登為老婆去新加坡嘅香格里拉酒店補辦一場隆重嘅婚禮。喺婚禮上，陳薈蓮曾喜極而泣咁話：「這一生中，上天賜給我最好的禮物就是讓我成為周潤發的妻子。」可想而知, 兩人係幾咁恩愛。發哥出身貧寒，為人節儉，就算搵到錢, 生活依然繼續簡單低調。據指發哥身家至少達13億港元，但兩人同樣對物質嘅要求唔高。發哥出名慷慨，助人方面總係不遺餘力, 而且同發嫂一早有共識，打算百年歸老後捐出99%身家做善事。