【聲明】港生活網站並無進行電話推廣活動

澳門喜來登「檳城之夜」 嘗馬拉美食歎榴槤

發佈時間: 2019/07/12

夏天又係食榴槤嘅季節喇!黛安聽公關姊妹講,澳門喜來登大酒店今日(12號)起至下個月11號,會舉辦期間限定嘅「檳城之夜」自助晚餐,除咗有正宗檳城美食外,仲有多種馬來西亞榴槤任君選擇。

聽講酒店特登請咗來自檳城嘅廚師團隊,烹調一系列檳城地道佳餚,包括亞參叻沙、檳城印度咖喱飯、橋治城點心、福建蝦麵等等;仲特設戶外榴槤專區,有8款唔同品種,包括享負盛名嘅「貓山王」、濃郁蘇丹王(D24)、回甘紅蝦(D175)、酒香XO、甜滑金包(D13)、鮮甜紅肉(D101)等等。為咗比食客有置身檳城嘅感覺,餐廳仲會融入澳門街頭嘅壁畫藝術。

放暑假可以帶埋一家大細去澳門玩番幾日,依家訂位成人每位只需澳門幣438元,小童每位澳門幣200元,另加澳門幣200元或者318元就可以任食榴槤喇!

去到澳門喜來登大酒店,除咗可以歎多種榴槤之外,更可以食到一流嘅檳城地道美食。

撰文: 黛安 消息特靈八卦公關
欄名: 八卦名利場