姜皓文擅玩另類三項鐵人賽

姜皓文（黑仔）和鄭融昨日以大使身份出席慈善單車賽活動，姜皓文稱經常參加三項鐵人賽──帶狗仔散步、買菜及洗車。此外，慈善單車賽將為眼疾患者籌款，黑仔和鄭融都有家人受眼疾困擾，因此覺得非常有意義。

黑仔表示已連續第二年參加此活動，更笑言去年參賽時獲其他高手讓路，令人啼笑皆非，他還說兩夫妻經常參加「三項鐵人」︰「就係放狗、洗車同買餸！最近天氣唔係咁好，去踩（單車）就辛苦啲，喺屋企着焗汗衫、熄冷氣跑跑步機又唔夠真實，都係鍾意落街多啲。」

鄭融慢速單車

熱愛跑步的鄭融自爆幾年前才學識踩單車︰「平時都係專注跑長跑、馬拉松，單車方面仍係新手，不過踩單車可以練氣和曬太陽。」問她屆時會否落場？鄭融表示如果有輕鬆賽事都會支持，她自嘲目前的速度只能「遊車河」，前面加個籃去買餸。問到可會約男友一齊踩？她笑言都可以搵朋友一齊踩。

呼籲注意眼疾

黑仔又提到他的外母亦是眼疾患者︰「外母本身有白內障，做咗手術，最近又話睇嘢唔清，即刻帶佢去睇醫生。」鄭融的媽媽曾患飛蚊症，令她最擔心的是會引致失明，手術前醫生表明只是百分之十機會成功，幸好手術成功，令她覺得眼睛真的很脆弱。

撰文︰Pauline

編輯：黃卉彤

美術：梁政敏