張曦雯重返校園戒打機

張曦雯（Kelly）昨日到沙田出席電訊活動，身為「打機女神」的她獲邀即場大玩電競賽車遊戲，吸引不少市民圍觀。而剛由洛杉磯返港的Kelly，透露在當地修讀了一個短期課程，她說︰「讀咗一個月，每日返學睇書，盡量唔睇電話，亦唔使理social media嘅嘢，成個人都好relax。」由於八月中要開拍新劇，仍想繼續進修的Kelly惟有待劇集煞科後才能重返校園，她表示︰「演技係無止境，人生經驗愈嚟愈豐富，吸收嘅嘢都會唔同，希望拍完劇之後有一個月時間再返去讀書。」