【雙尊爭車厘子】兆尊「二奶」與舊愛大王同場 安德尊現身靈堂送別祥嫂

「慈善伶王」新馬師曾（鄧永祥）遺孀洪金梅（祥嫂）於本月2日肺癌離世，享年74歲，今年5月低調入院治病嘅祥嫂，彌留之際有子女陪伴，為早年爭產風波鬧不和一事畫上句號，不過留下的15億遺產尚未知如何分配。四名子女鄧兆尊、兆榮、翠玉及碧玉克盡孝道，昨日齊心協力為母親打點喪禮，就連當年反目的妹妹「十一姨」洪國華及九舅父亦有現身。

{{hket:inline-image name="TUNGSTAR6190691.jpg"}}{{/hket:inline-image}}

左起：兆榮、翠玉及兆尊（東星娛樂）

大和解日

昨日喺靈堂除咗家族大和解外，靈堂仲出現曾跟兆尊爭女嘅安德尊，有指當年兆尊撬安德尊牆腳，令當時係佢助手兼女友嘅「車厘子」移情別戀，成為咗兆尊嘅「二奶」，令安德尊對兆尊心存芥蒂。晚上單拖現身嘅安德尊話兆尊不嬲都係朋友。問到佢同祥嫂定係兆尊比較熟？安德尊話：「兩個都熟，過年會同祥嫂拜年！（兆尊呢？）有時會見到，我同佢係好朋友，人生都幾十年啦，你哋（記者）有心喇！」

{{hket:inline-image name="TUNGSTAR6190730.jpg"}}{{/hket:inline-image}}

兆尊二奶車厘子（東星娛樂）

雙尊鬥情深

兆尊力撐女友唔係豬扒

兆尊溝女有法，自從幾年前爆出有3位女友和平共處後，3女不時畀外界評頭品足。兆尊曾經開腔力撐女友唔醜樣：「佢跟咗我咁多年，你哋又知佢後生唔靚？靚爆鏡啦！唔通我又話你聽？你淨係睇人外表你又有幾叻啫？」睇嚟兆尊雖然多情，但都非常錫3位女友。

{{hket:inline-image name="TUNGSTAR6190509.jpg"}}{{/hket:inline-image}}

兆尊（東星娛樂）

{{hket:inline-image name="bkn-20180311031506283-0311_00862_001_02b.jpg"}}{{/hket:inline-image}}

兆尊形容自己對3位女友雨露均沾。（網上圖片）

安德尊初戀女友腦膜炎去世

安德尊在中學時識咗一個女朋友，但因為自己生得唔靚，好怕失去女友。佢嗰段時間經常送女朋友返學校，而自己就經常遲到，放學又趕著接女朋友。後來女友舉家移民到菲律賓，並到菲律賓升學。安德尊不忍與女朋友分隔異地，所以他請求家人給他也到菲律賓去，到了菲律賓依舊眼中只有她。可惜唔夠一年，女友因腦膜炎去世。當時佢感到冷漠、無助、令佢覺得咁多年嚟浪費時間與荒廢學業，女友早逝亦令佢深思自己嘅生命意義；所以佢19歲喺菲律賓讀完大學後返回香港，彌補失去咗嘅光陰。

{{hket:inline-image name="TUNGSTAR6190806.jpg"}}{{/hket:inline-image}}

安德尊（東星娛樂）