白彪今年5月正式簽約回歸TVB，早前在公司舉辦的生日派對上見到他，率先慶祝今月24日的生日，快將踏入73歲的白彪身體壯健，精神奕奕，他說：「我依家仲有做運動，跑步、操拳、踢波等等，總知會出汗嘅運動都會做。睇到身邊好多朋友，同我差唔多年紀，唔做運動之餘又收埋自己，自自然然身型就會縮，個精神會好謝。」
白彪重返無綫。（《晴報》圖片）
原名劉國榮的白彪是第一代武俠演員，入行至今已經半個世紀，1969年他率先加入佳藝電視，拍攝劇集《射鵰英雄傳》及《神鵰俠侶》同樣飾演郭靖一角，獲得觀眾注意，後來他加入無綫之後，1995年的《神鵰俠侶》再次飾演郭靖，成為他演藝事業上三次演同一個角色，也是金庸筆下的武林人物之中，最具代表性的其中一人。白彪最近的一個無綫劇集已經是2013年的《女警愛作戰》 ，中間有幾年他轉投香港電視網絡和ViuTV，直至今年再重返無綫，暫時未有劇集開工，但他仍然忙過不停，他說：「離開無綫差不多三年時間，兜兜轉轉又回來，有少少陌生，因為改變好多。依家我忙自己公司的事，因為公司主力是中港合作，邀請香港的藝人上內地登台、剪綵、拍廣告或者拍戲等等，托賴成績不錯。」
73歲的他精神奕奕，非常有魄力。（《晴報》圖片）
白彪笑言自己的飲歌是《天籟》、《忘盡心中情》等等，當地的朋友最主要想見見香港的演員，歌藝都是其次，問到會否再拍劇？白彪說：「我剛剛在佛山拍攝一個叫《X武俠》武林大會，暫時係一個宣傳片，睇睇反應，如果好會繼續拍攝。不過自己年紀大，多數都唔會再拍武俠片，佛山拍兩日戲，黐個頭套再加幾層衫，真係熱到想死，好辛苦，所以夏天暑假我唔會接古裝，唔係話怕辛苦，而係真係怕自己身體頂唔順。我最近接大陸登台賺錢，收入有時都幾可觀，曾經試過一日的工作已接到六位數字酬勞。」
白彪三次演郭靖，絕對係經典。（微博圖片）
白彪是第一代武俠演員。（微博圖片）
白彪和林保怡在《讀心神探》中合作過。(微博圖片)
《武尊少林》中白彪跟梁小冰以古裝上陣。（圖片：梁小冰微博）
今年4月14日的金像獎頒獎典禮上，白彪的胞弟劉允獲頒專業精神獎，白彪都有悉心打扮出席到賀，不少觀眾在當刻才知道兩人是兄弟的關係，兩兄弟在電影和電視圈都發展得如此成功，絕對是非常鼓舞。問到白彪是否永不言休？他說：「角色或者工作方面比較睇得淡，主角唔主角唔係問題，我依家心情係半退休狀態，有工作就當同班朋友交流、見面，唔想退休，我退休就會好辛苦，日子都唔知點過，人會頹好多，我身體仲可以做到就繼續做落去。」
劉允在金像獎上獲獎。(圖片：ViuTV電視截圖)
白彪在台下替弟弟感到驕傲。(圖片：ViuTV電視截圖)